'തോല്‍വിയുടെ ഉത്തരവാദിത്തം ഏറ്റെടുക്കുന്നു'; ആലപ്പുഴ ഡി.സി.സി അധ്യക്ഷസ്ഥാനം രാജിവെച്ച് എം. ലിജു
ഡൂള്‍ന്യൂസ് ഡെസ്‌ക്
Monday, 3rd May 2021, 1:15 pm
ആലപ്പുഴ : ജില്ലയിലെ പരാജയത്തിന്റെ ഉത്തരവാദിത്തം ഏറ്റെടുത്ത് എം. ലിജു ആലപ്പുഴ ഡി.സി.സി പ്രസിഡന്റ് സ്ഥാനം രാജിവെച്ചു. ഒമ്പത് സീറ്റുകളുള്ള ആലപ്പുഴയില്‍ ഒറ്റ സീറ്റില്‍ മാത്രമാണ് യു.ഡി.എഫ് വിജയിച്ചത്. അദ്ദേഹം രാജിക്കത്ത്‌ കെ.പി.സി.സിക്ക് കൈമാറി.
ജി. സുധകാരന്‍ മൂന്ന് തവണ മത്സരിച്ച് വിജയിച്ച മണ്ഡലമായ അമ്പലപ്പുഴയിലായിരുന്നു ഇത്തവണ ലിജു മത്സരിച്ചത്. കണ്ണൂരില്‍ സതീശന്‍ പാച്ചേനിയും ഡി.സി.സി പ്രസിഡന്റ് സ്ഥാനം രാജിവെക്കുമെന്ന് അറിയിച്ചിരിക്കുകയാണ്. കണ്ണൂര്‍ തിരിച്ചു പിടിക്കാമെന്നു പ്രതീക്ഷിച്ചിരുന്നുവെന്നും യു.ഡി.എഫ് ശക്തി കേന്ദ്രങ്ങളില്‍ പോലും വിചാരിച്ച ഭൂരിപക്ഷം ഉണ്ടായില്ലെന്നും സതീശന്‍ പാച്ചേനി വിലയിരുത്തി.
