'ലിജോ മോള്‍ മികച്ച നടിക്ക് അര്‍ഹ'; ദേശിയ ചലച്ചിത്ര അവാര്‍ഡിനെതിരെ വിമര്‍ശനം
എന്റര്‍ടെയിന്‍മെന്റ് ഡെസ്‌ക്
Thursday, 24th August 2023, 7:22 pm
അറുപത്തി ഒന്‍പതാമത്‌ദേശീയ ചലച്ചിത്ര അവാര്‍ഡുകള്‍ പ്രഖ്യാപിച്ചിരിക്കുകയാണ്. മികച്ച നടനുള്ള അവാര്‍ഡ് പുഷ്പയിലെ അഭിനയത്തിന് അല്ലു അര്ജുന് ലഭിച്ചപ്പോള്‍ മികച്ച നടിക്കുള്ള അവാര്‍ഡ് സ്വന്തമാക്കിയത് ആലിയാ ഭട്ടും കൃതി സനണും ചേര്‍ന്നാണ്.
ഇപ്പോഴിതാ അവാര്‍ഡ് പ്രഖാപിച്ചതിന് പിന്നാലെ ജയ് ഭീമിലെ അഭിനയത്തിന് ലിജോ മോള്‍ അവാര്‍ഡ് അര്‍ഹിച്ചിരുന്നു എന്ന ചര്‍ച്ചകളാണ് സോഷ്യല്‍ മീഡിയയില്‍ നടക്കുന്നത്.
മികച്ച പ്രകടനം കാഴ്ചവെച്ച ലിജോ മോളെ അവാര്‍ഡിനായി പരിഗണിക്കാത്തതില്‍ വലിയ പ്രതിഷേധമാണ് സോഷ്യല്‍ മീഡിയയില്‍ ഉയരുന്നത്.
ലിജോ മോള്‍ക്ക് മികച്ച നടിക്കുള്ള അവാര്‍ഡ് ലഭിക്കുമെന്ന് സിനിമാ പ്രേമികള്‍ പ്രതീക്ഷിച്ചിരുന്നു. എന്നാല്‍ ലിജോ മോളേയും ജയ് ഭീമിനെയും ദേശിയ ചലച്ചിത്ര അവാര്‍ഡ് ജൂറി പൂര്‍ണമായും തഴയുകയായിരുന്നുവെന്നാണ് സോഷ്യല്‍ മീഡിയയില്‍ വിമര്‍ശനം ഉയരുന്നത്.
