ന്യൂദല്‍ഹി: ഇന്ത്യന്‍ വിപണിയില്‍ പുതിയ രണ്ട് സ്മാര്‍ട്‌ഫോണുകള്‍ പുറത്തിറക്കാനൊരുങ്ങി എല്‍.ജി.
ഏപ്രില്‍ 14 ന് നടക്കുന്ന ചടങ്ങിലാണ് ഫോണിനെ കുറിച്ചുള്ള വിവരങ്ങള്‍ പുറത്തുവിടുക. കെ സീരീസിലുള്ള ഫോണുകളായിരിക്കാം പുറത്തിറക്കാനൊരുങ്ങുന്നതെന്നാണ് റിപ്പോര്‍ട്ട്. ഇവ 4ജി യായിരിക്കുമെന്നും ചിലര്‍ സൂചന നല്‍കുന്നു.
ഏത് തരത്തിലുള്ള മോഡലാണ് പുറത്തിറക്കാന്‍ പോകുന്നത് എന്നത് സംബന്ധിച്ച് യാതൊരു വിവരവും എല്‍.ജി ഇതുവരെ പുറത്തുവിട്ടിട്ടില്ല.
കെ7 കെ10 മോഡലുകളാണെന്നും ചില റിപ്പോര്‍ട്ടുകളുണ്ട്. ആഗോള വിലനിലവാരം വെച്ച് നോക്കുകയാണെങ്കില്‍ 15,000 രൂപയ്ക്കുള്ളില്‍ പുതിയ മോഡല്‍ ലഭ്യമാകും എന്നാണ് അറിയുന്നത്.