മഴയ്ക്ക് മാത്രമേ ചെന്നൈയെ രക്ഷിക്കാനാകൂ; തമിഴ്‌നാട്ടിലെ വരള്‍ച്ചയില്‍ ആശങ്ക പങ്കുവെച്ച് ലിയനാര്‍ഡോ ഡികാപ്രിയോ
ഡൂള്‍ന്യൂസ് ഡെസ്‌ക്
Thursday, 27th June 2019, 3:13 pm
ചെന്നൈയെ ബാധിച്ച വരള്‍ച്ചയില്‍ ആശങ്ക പങ്കുവെച്ച് ഹോളിവുഡ് താരം ലിയനാര്‍ഡോ ഡികാപ്രിയോ. ഇന്‍സ്റ്റഗ്രാമിലാണ് ചെന്നൈയിലെ ദുരവസ്ഥ ലോകശ്രദ്ധയില്‍ കൊണ്ടു വന്നത്.
കടുത്ത വരള്‍ച്ചയില്‍ നാല് പ്രധാന റിസര്‍വോയറുകളെല്ലാം വറ്റി വരണ്ടിരിക്കുകയാണ്. സ്വകാര്യ സ്‌കൂളുകളും ഹോട്ടലുകളും പലയിടത്തും പൂട്ടിതുടങ്ങി. പലയിടങ്ങളിലും ഒരുതുള്ളി വെള്ളം കിട്ടിനില്ല. ആളുകള്‍ വെള്ളം കൊണ്ടുവരുന്ന സര്‍ക്കാര്‍ ടാങ്കറുകള്‍ക്ക് മുന്നില്‍ മണിക്കൂറുകള്‍ ക്യൂവില്‍ നില്‍ക്കുകയാണ്. മഴയെ മാത്രമാണ് ചെന്നൈയിലുള്ളവര്‍ക്ക് ആശ്രയിക്കാനുള്ളതെന്നും പോസ്റ്റില്‍ അദ്ദേഹം പറയുന്നു.
