ഇന്ത്യക്കകത്തും പുറത്തും രണ്ട് ഡേറ്റ്; ലിയോ ഒ.ടി.ടി സ്ട്രീമിങ് ഒഫീഷ്യല്‍ അപ്‌ഡേറ്റ് പുറത്ത്
എന്റര്‍ടെയിന്‍മെന്റ് ഡെസ്‌ക്
Monday, 20th November 2023, 10:22 am
ലിയോ സിനിമയുടെ ഒഫീഷ്യല്‍ ഒ.ടി.ടി റിലീസ് ഡേറ്റ് പുറത്ത്. നവംബര്‍ 24 മുതല്‍ ചിത്രം ഇന്ത്യയിലെ നെറ്റ്ഫ്‌ളിക്‌സ് പ്ലാറ്റ്‌ഫോമുകളില്‍ സ്ട്രീം ചെയ്ത് തുടങ്ങും. തമിഴ്, തെലുങ്ക്, കന്നഡ, മലയാളം, ഹിന്ദി ഭാഷകളിലായിരിക്കും സ്ട്രീം ചെയ്യുക. ഇന്ത്യക്ക് പുറത്തേക്കുള്ള നെറ്റ്ഫ്‌ളിക്‌സ് യൂസേഴ്‌സിന് നവംബര്‍ 28 മുതല്‍ ചിത്രം ലഭ്യമാകും.
ലോകേഷ് കനകരാജ് സംവിധാനം ചെയ്ത ചിത്രം ഒക്ടോബര്‍ 19നാണ് റിലീസ് ചെയ്തത്. തൃഷ നായികയായ ചിത്രത്തില്‍ സഞ്ജയ് ദത്ത്, അര്‍ജുന്‍ സര്‍ജ, ഗൗതം വാസുദേവ്‌മേനോന്‍, പ്രിയ ആനന്ദ്, മാത്യു തോമസ്, ഇയല്‍, സാന്‍ഡി മാസ്റ്റര്‍ എന്നിവരാണ് പ്രധാന കഥാപാത്രങ്ങളായി അവതരിപ്പിച്ചത്.
