ഫുട്‌ബോള്‍ രംഗത്തെ ഏറ്റവും ഉയര്‍ന്ന വ്യക്തിഗത ബഹുമതിയിലൊന്നാണ് ബാലണ്‍ ഡി ഓര്‍. 1956 മുതല്‍ ഫ്രാന്‍സ് ഫുട്‌ബോള്‍ മാഗസിന്‍ വര്‍ഷം തോറും ഈ പുരസ്‌കാരം നല്‍കിവരുന്നു. ഏഴ് തവണയാണ് അര്‍ജന്റൈന്‍ ഫുട്‌ബോള്‍ ഇതിഹാസമായ ലയണല്‍ മെസി ബാലണ്‍ ഡി ഓര്‍ പുരസ്‌കാരങ്ങള്‍ നേടിയിട്ടുള്ളത്. ചരിത്രത്തില്‍ ഏറ്റവും കൂടുതല്‍
ബാലണ്‍ ഡി ഓര്‍ പുരസ്‌കാരങ്ങള്‍ നേടിയിട്ടുള്ളതും മെസിയാണ്.
കഴിഞ്ഞ വര്‍ഷം ഖത്തറില്‍ നടന്ന ഫിഫ ലോകകപ്പില്‍ അര്‍ജന്റീന ചാമ്പ്യന്മാരായതിന് പിന്നാലെ ഈ വര്‍ഷത്തെ ബാലണ്‍ ഡി ഓറിനും സാധ്യത കല്‍പ്പിക്കുന്ന താരമാണ് മെസി.
കഴിഞ്ഞ ലോകകപ്പിലെ മെസിയുടെ മിന്നും പ്രകടനം തന്നെയാണ് ഈ സാധ്യതക്ക് കാരണം. ടൂര്‍ണമെന്റില്‍ ഏറ്റവും മികച്ച കളിക്കാരനുള്ള ഗോള്‍ഡന്‍ ബോള്‍ മെസിക്കാണ് ലഭിച്ചിരുന്നത്. എട്ട് ലോകകപ്പ് മത്സരങ്ങളില്‍ നിന്നായി ഏഴ് ഗോളുകളും മൂന്ന് അസിസ്റ്റുകള്‍ താരം നേടിയിരുന്നു. എന്നാല്‍ ഇനിയൊരു ബാലണ്‍ ഡി ഓര്‍ നേടുക എന്നത് അത്ര വലിയ ആഗ്രഹമുള്ള കാര്യമല്ലെന്നും തനിക്ക് ഏറ്റവും പ്രധാനപ്പെട്ട സമ്മാനമായ ലോകകപ്പ് കഴിഞ്ഞ വര്‍ഷം ലഭിച്ചെന്നും പറയുകായാണിപ്പോള്‍ ലയണല്‍ മെസി.
Leo Messi: “Does Ballon d’Or matters to me? No, at this stage in my life, it is no longer important to me. I’ve always said, the individual prizes are not what matters to me, but the collective ones are the most important to me. The most important prize at the moment is the World… pic.twitter.com/aiHIAY6QXR
— All About Argentina 🛎🇦🇷 (@AlbicelesteTalk) June 13, 2023
