ലെജന്‍ഡ്‌സ് ലീഗ് ക്രിക്കറ്റിന്റെ പുതിയ സീസണിനുള്ള താര ലേലം അവസാനിച്ചപ്പോള്‍ കരുത്തരായി സൂപ്പര്‍ ടീമുകള്‍. വിരമിച്ച സൂപ്പര്‍ താരങ്ങളുടെ ക്രിക്കറ്റ് ലീഗായാണ് ലെജന്‍ഡ്‌സ് ലീഗ് ക്രിക്കറ്റ് ആരാധകര്‍ക്ക് മുമ്പിലെത്തുന്നത്. ആറ് ടീമുകളാണ് ഇത്തവണ ടൂര്‍ണമെന്റിന്റെ ഭാഗമാകാനൊരുങ്ങുന്നത്.
കൊണാര്‍ക് സൂര്യാസ് ഒഡീഷ, ഗുജറാത്ത് ജയന്റ്സ്, മണിപ്പാല്‍ ടൈഗേഴ്സ്, സതേണ്‍ സൂപ്പര്‍ സ്റ്റാര്‍സ്, ഹൈദരാബാദ്, ഇന്ത്യ കാപ്പിറ്റല്‍സ് എന്നിവരാണ് ടൂര്‍ണമെന്റില്‍ പങ്കെടുക്കുന്ന ടീമുകള്‍.
കഴിഞ്ഞ ദിവസമാണ് ടൂര്‍ണമെന്റിന്റെ ലേലം നടന്നത്. ഓരോ ടീമിനും മൂന്ന് താരങ്ങളെ വരെ നിലനിര്‍ത്താന്‍ അവസരമുണ്ടായിരുന്നു.
ബ്രെറ്റ് ലീ നയിച്ച ഓസ്‌ട്രേലിയ ചാമ്പ്യന്‍സിനെതിരെ നടന്ന സെമിയില്‍ ഇരുവരും 200+ സ്‌ട്രൈക്ക് റേറ്റില്‍ അര്‍ധ സെഞ്ച്വറി നേടിയിരുന്നു. ഇര്‍ഫാന്‍ ബൗളിങ്ങിലും തിളങ്ങി.
ഫൈനലിലെ കാഴ്ചയും വ്യത്യസ്തമായിരുന്നില്ല. ഇര്‍ഫാന്‍ പന്തുകൊണ്ട് തിളങ്ങിയപ്പോള്‍ യൂസഫ് പത്താന്‍ ബാറ്റുകൊണ്ടും തകര്‍ത്തടിച്ചു.
വേള്‍ഡ് ചാമ്പ്യന്‍ഷിപ്പില്‍ പുറത്തെടുത്ത അതേ പ്രകടനം ഇരുവരും ലെജന്‍ഡ്‌സ് ലീഗിലും പുറത്തെടുക്കുമെന്നാണ് ആരാധകര്‍ ഉറച്ചുവിശ്വസിക്കുന്നത്. അങ്ങനെയെങ്കില്‍ സൂര്യാസിന്റെ കന്നി സീസണില്‍ തന്നെ അവരെ കിരീടമണിയിക്കാനും പത്താന്‍മാര്‍ക്കാകും.
പത്താന്‍മാര്‍ക്ക് പുറമെ ടൂര്‍ണമെന്റില്‍ തിളങ്ങിയ അംബാട്ടി റായിഡുവും ന്യൂസിലാന്‍ഡ് സൂപ്പര്‍ താരം റോസ് ടെയ്‌ലറും അടങ്ങുന്ന ഗംഭീര നിരയാണ് സൂര്യാസിനുള്ളത്. ഇത്തവണ കിരീടം നേടാന്‍ സാധ്യത കല്‍പിക്കുന്ന ടീമുകളില്‍ പ്രധാനികളാണ് വയലറ്റ് കുപ്പായക്കാര്‍.
