കൊല്‍ക്കത്ത: മുതിര്‍ന്ന ബംഗാളി സംവിധായകന് ബുദ്ധദേബ് ദാസ്ഗുപ്ത അന്തരിച്ചു. 77 വയസായിരുന്നു.
വൃക്കസംബന്ധമായ അസുഖങ്ങളെ തുടര്‍ന്ന് ചികിത്സയിലായിരുന്നു. സിനിമാ, സാഹിത്യമേഖലകളില്‍ തന്റേതായ വ്യക്തിമുദ്ര പതിപ്പിച്ച അദ്ദേഹത്തിന് അഞ്ച് ദേശീയ അവാര്‍ഡുകള്‍ ലഭിച്ചിട്ടുണ്ട്.
ഉത്തര, സ്വപ്‌നേര്‍ ദിന്‍ എന്നീ സിനിമകള്‍ക്ക് മികച്ച സംവിധായകനുള്ള ദേശീയ അവാര്‍ഡ് ലഭിച്ചു. ഭാഗ് ബഹദൂര്‍, തഹദാര്‍ കഥ, ചരാചര്‍ എന്നിവയാണ് ശ്രദ്ധേയമായ മറ്റ് ചലച്ചിത്രങ്ങള്‍.
കവിയെന്ന നിലയിലും ശ്രദ്ധേയനായിരുന്നു ദാസ്ഗുപ്ത. 2018 ല്‍ ഇറങ്ങിയ ഉരോജഹാജ് ആണ് അവസാനമിറങ്ങിയ സിനിമ.
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം
Content Highlight: Legendary Filmmaker Buddhadeb Dasgupta Passes Away at 77