ഫലസ്തീന്‍ സ്ഥാനപതിയെ സന്ദര്‍ശിച്ച് പിന്തുണ അറിയിച്ച് ഇടത്- മനുഷ്യാവകാശ പ്രവര്‍ത്തകര്‍
ഡൂള്‍ന്യൂസ് ഡെസ്‌ക്
Saturday, 14th October 2023, 11:46 am
ന്യൂദല്‍ഹി: ഇസ്രഈല്‍ ആക്രമണത്തിനെതിരെ ഫലസ്തീന്‍ ജനതക്ക് പിന്തുണ അറിയിച്ച് ഇടത്- മനുഷ്യാവകാശ പ്രവര്‍ത്തകര്‍. അഖിലേന്ത്യ കിസാന്‍സഭ നേതാവ് ഹനന്‍ മൊല്ല, സി.പി.ഐ നേതാവ് ആനി രാജ എന്നവരടങ്ങിയ സംഘം ദല്‍ഹിയിലെ ഫലസ്തീന്‍ സ്ഥാനപതിയെയും മുതിര്‍ന്ന ഉദ്യോഗസ്ഥരെയും സന്ദര്‍ശിച്ചു.
രവി നായര്‍, അപൂര്‍വാനന്ദ്, നദീം ഖാന്‍, എന്‍.എസ് ബാലാജി എന്നിവരും സംഘത്തിലുണ്ടായിരന്നു. ഫലസ്തീന്‍ എംബസിയിലെത്തിയ സംഘം ആംബാസെഡര്‍ അടക്കമുള്ളവരുമായി കൂടിക്കാഴ്ച നടത്തി. ഇസ്രഈല്‍- ഹമാസ് സംഘര്‍ഷത്തില്‍ നിരപരാധികളായ ജനങ്ങളുടെ ജീവന്‍ നഷ്ടപ്പെടുന്നതില്‍ സംഘം ദുഖം രേഖപ്പെടുത്തി.
