'ബംഗാളിലേയും കേരളത്തിലേയും ഇടതുപക്ഷത്തിന്റെ മുന്‍ഗണന വ്യക്തം'; മാര്‍ക്‌സിസ്റ്റുകാര്‍ ചൈനയ്ക്കുവേണ്ടിയാണ് നിലകൊള്ളുന്നതെന്ന് ബി.ജെ.പി
ഡൂള്‍ന്യൂസ് ഡെസ്‌ക്
Saturday, 20th February 2021, 12:30 pm
ചെന്നൈ: മാര്‍ക്‌സിസ്റ്റുകള്‍ ചൈനയ്ക്കുവേണ്ടി നിലകൊള്ളുകയാണെന്ന ആരോപണവുമായി ബി.ജെ.പി. സി.പി.ഐ.എമ്മിന്റെ പുതുച്ചേരി യൂണിറ്റിന് നേരെയാണ് ബി.ജെ.പി ആരോപണം ഉന്നയിക്കുന്നത്.
അന്തരിച്ച ചൈനീസ് നേതാവ് ഡെങ് സിയാവോപിംഗിന്റെ മരണ വാര്‍ഷികത്തില്‍ അദ്ദേഹത്തെ വിപ്ലവകാരിയായ കമ്മ്യൂണിസ്റ്റ് നേതാവായി വിശേഷിപ്പിച്ചു എന്നുപറഞ്ഞുകൊണ്ടാണ് ബി.ജെ.പി വെള്ളിയാഴ്ച സി.പി.ഐ.എമ്മിന്റെ പുതുച്ചേരി യൂണിറ്റിനെ കടന്നാക്രമിച്ചത്.
