അരുണ്‍കുമാര്‍ അരവിന്ദ് സംവിധാനം ചെയ്യുന്ന പുതിയ ചിത്രമാണ് ലെഫ്റ്റ് റൈറ്റ് ലെഫ്റ്റ്. രജപുത്ര വിഷ്വല്‍ മീഡിയയുടെ ബാനറില്‍ എം.രഞ്ജിത്താണ് ഈ ചിത്രം നിര്‍മ്മിക്കുന്നു.[]
കോക്‌ടെയില്‍, ഈ അടുത്തകാലത്ത് എന്നീ ചിത്രങ്ങളിലൂടെ ഏറെ ശ്രദ്ധേയനായ സംവിധായകനാണ് അരുണ്‍കുമാര്‍. കേരളത്തിലെ ഇപ്പോഴത്തെ രാഷ്ട്രീയ-സാമൂഹിക പശ്ചാത്തലത്തിലൂടെ വികസിക്കുന്ന ഒരു കഥയുടെ ആവിഷ്‌ക്കാരമാണ് ഈ ചിത്രം.
ഇന്ദ്രജിത്ത്, മുരളിഗോപി, രമ്യാനമ്പീശന്‍, ലെന, വിജയരഘവന്‍, ശ്രീജിത്ത് രവി, ബൈജു, സുധീര്‍, സൈജുകുറുപ്പ് തുടങ്ങിയവരാണ് പ്രധാന അഭിനേതാക്കള്‍.
ചിത്രത്തിന്റെ തിരക്കഥ രചിക്കുന്നത് മുരളിഗോപിയാണ്. റഫീഖ് അഹമ്മദിന്റെ വരികള്‍ക്ക് ഗോപിസുന്ദര്‍ ഈണം പകര്‍ന്നിരിക്കുന്നു. ഷഹനാദ് ഛായാഗ്രഹണവും പ്രശാന്ത് മാധവ് കലാസംവിധാനവും നിര്‍വഹിക്കുന്നു.
പ്രൊഡക്ഷന്‍ കണ്‍ട്രോളര്‍- ജിത്ത് പിരപ്പിന്‍കോട്. ഡിസംബര്‍ 17മുതല്‍ ഈ ചിത്രത്തിന്റെ ഷൂട്ടിംഗ് തിരുവനന്തപുരത്ത് ആരംഭിക്കുന്നു. രജപുത്ര ഫിലിംസ് ചിത്രം തിയേറ്ററിലെത്തിക്കും.