ബെയ്‌റൂട്ട് സ്‌ഫോടനത്തില്‍ തകരുന്നത് ലെബനന്‍ സര്‍ക്കാരും: നീതികാര്യ വകുപ്പ് മന്ത്രിയും രാജി വെച്ചു
ഡൂള്‍ന്യൂസ് ഡെസ്‌ക്
Monday, 10th August 2020, 5:01 pm
ബെയ്‌റൂട്ട്: ബെയ്‌റൂട്ടിലെ സ്‌ഫോടനത്തിനു പിന്നാലെ ലെബനന്‍ സര്‍ക്കാരില്‍ നിന്നും തുടരെ കൊഴിഞ്ഞ് പോക്ക്. നീതികാര്യ വകുപ്പ് മന്ത്രി മാരി ക്ലോഡ് ആണ് രാജി വെച്ചിരിക്കുന്നത്. രാജ്യത്തെ വാര്‍ത്താ വിനിമയ മന്ത്രിയും പരിസ്ഥിതി മന്ത്രിയും രാജി വെച്ചതിനു പിന്നാലെയാണ് നീതികാര്യ വകുപ്പ് മന്ത്രിയും രാജി വെച്ചിരിക്കുന്നത്.
വ്യവസ്ഥയില്‍ അടിസ്ഥാനപരമായ മാറ്റങ്ങളില്ലാതെ ഈ സാഹചര്യത്തില്‍ അധികാരത്തില്‍ തുടരുന്നത് ഞങ്ങള്‍ നേടിയെടുക്കാന്‍ ശ്രമിച്ച പരിഷ്‌കരണത്തിലേക്ക് നയിക്കില്ലെന്നാണ് നീതികാര്യ വകുപ്പ് മന്ത്രി രാജി വെക്കവെ പറഞ്ഞിരിക്കുന്നത്.
ഒപ്പം മറ്റ് ഭരണ കര്‍ത്താക്കളോടും രാജി വെക്കാന്‍ ഇവര്‍ ആവശ്യപ്പെട്ടിട്ടുണ്ട്. ലെബനന്റെ പ്രതിസന്ധി മറികടക്കാന്‍ നേരത്തെയുള്ള തെരഞ്ഞെടുപ്പ് ആവശ്യമാണെന്നും ഇവര്‍ പറഞ്ഞു.
