'നേതാക്കള്‍ തെരഞ്ഞെടുപ്പില്‍ മത്സരിക്കണം'; സ്ഥാനാര്‍ത്ഥി നിര്‍ണയത്തില്‍ ആര്‍.എസ്.എസ് കടുംപിടുത്തം; കേരള ബി.ജെ.പിയില്‍ അതൃപ്തി
ഡൂള്‍ന്യൂസ് ഡെസ്‌ക്
Saturday, 28th November 2020, 8:22 am
കൊച്ചി: സംസ്ഥാന ബി.ജെ.പിയിലെ പ്രശ്‌നങ്ങള്‍ കൂടുതല്‍ രൂക്ഷമാകുന്നു. ശോഭാ സുരേന്ദ്രന്‍, പി.എം വേലായുധന്‍ തുടങ്ങിയവരുടെ വിമത നീക്കത്തിന് പിന്നാലെ തെരഞ്ഞെടുപ്പിലെ സ്ഥാനാര്‍ത്ഥി നിര്‍ണയത്തിലെ ആര്‍.എസ്.എസ് ഇടപെടലാണ് കേരള ബി.ജെ.പിയിലെ പുതിയ തലവേദന.
മുതിര്‍ന്ന നേതാക്കള്‍ തദ്ദേശ തെരഞ്ഞെടുപ്പില്‍ മത്സരിക്കണമെന്ന് ആര്‍.എസ്.എസ് കടുംപിടുത്തമായിരുന്നു. ഇതിനെ തുടര്‍ന്ന് വി.വി രാജേഷ് തിരുവനന്തപുരത്തും ബി.ഗോപാലകൃഷ്ണന്‍ തൃശ്ശൂരിലും മത്സരിക്കുന്നുണ്ട്.
അതേസമയം ആര്‍.എസ്.എസ് നിര്‍ദ്ദേശം അംഗീകരിക്കാതെ മത്സരിക്കാനിറങ്ങാത്ത നേതാക്കളും ഉണ്ട്. ഇതിനിടെ ബി.ജെ.പിയിലെ സാധാരണ പ്രവര്‍ത്തകരെ തഴഞ്ഞ് ആര്‍.എസ്.എസ് പ്രവര്‍ത്തകരെ പലയിടത്തും സ്ഥാനാര്‍ത്ഥികളാക്കിയതിനെതിരെയും മുറുമുറുപ്പ് ഉയരുന്നുണ്ട്.
