ബി.ജെ.പിയുടെ ക്രിസ്ത്യന്‍ പരീക്ഷണം പാളുന്നു; പൂഞ്ഞാറില്‍ എന്‍.ഡി.എയില്‍ നിന്ന് സീറ്റ് പിടിച്ചെടുത്ത് സി.പി.ഐ.എം; രണ്ടാം സ്ഥാനത്ത് യു.ഡി.എഫ്
ഡൂള്‍ന്യൂസ് ഡെസ്‌ക്
Wednesday, 31st May 2023, 1:08 pm
കോട്ടയം: തദ്ദേശ ഉപതെരഞ്ഞെടുപ്പില്‍ കോട്ടയം പൂഞ്ഞാര്‍ ഗ്രാമപഞ്ചായത്തിലെ ഒന്നാം വാര്‍ഡ് ജനപക്ഷത്ത് നിന്ന് പിടിച്ചെടുത്ത് എല്‍.ഡി.എഫ്. പെരുന്നിലത്ത് നടന്ന ഉപതെരഞ്ഞെടുപ്പിലാണ് എല്‍.ഡി.എഫ് സ്ഥാനാര്‍ഥി സി.പി.ഐ.എമ്മിലെ ബിന്ദു അശോകന്‍ വിജയിച്ചത്. 12 വോട്ടിനായിരുന്നു ജയം.
പി.സി. ജോര്‍ജിന്റെ ജനപക്ഷത്തിന്റെ സിറ്റിങ് സീറ്റില്‍ ഫലം വന്നതോടെ മൂന്നാം സ്ഥാനത്തേക്ക് തള്ളപ്പെട്ടു. ബിന്ദു അശോകന്‍ 264 വോട്ട് നേടിയപ്പോള്‍ യു.ഡി.ഫ് സ്ഥാനാര്‍ഥി മഞ്ജു ജയ്‌മോന്‍ 252 വോട്ടും എന്‍.ഡി.എ പിന്തുണയോടെ മത്സരിച്ച ജനപക്ഷം സ്ഥാനാര്‍ഥി ശാന്തിജോസിന് 239 വോട്ടേ ലഭിച്ചുള്ളു.
