ആലപ്പുഴയില്‍ ഹരിപ്പാടൊഴികെ എല്ലാ മണ്ഡലങ്ങളിലും എല്‍.ഡി.എഫ് മുന്നില്‍
ഡൂള്‍ന്യൂസ് ഡെസ്‌ക്
Sunday, 2nd May 2021, 9:53 am
ആലപ്പുഴ: പോസ്റ്റല്‍ വോട്ടുകളുടെ ഫല സൂചനകള്‍ പുറത്ത് വരുമ്പോള്‍ ആലപ്പുഴയില്‍ ഹരിപ്പാട് ഒഴികെ എല്ലാ മണ്ഡലത്തിലും എല്‍.ഡി.എഫിന് ലീഡ്.
ഹരിപ്പാട് രമേശ് ചെന്നിത്തല 2045 വോട്ടുകള്‍ക്ക് മുന്നിലാണ്. അതേസമയം മറ്റു മണ്ഡലങ്ങളായ അരൂര്‍, ചേര്‍ത്തല, ആലപ്പഴ, അമ്പലപ്പുഴ, കുട്ടനാട്, കായംകുളം, മാവേലിക്കര, ചെങ്ങന്നൂര്‍ എന്നീ ഒന്‍പത് മണ്ഡലങ്ങളിലും എല്‍.ഡി.എഫ് ആണ് മുന്നില്‍.
കായംകുളത്ത് യു. പ്രതിഭ, കുട്ടനാട് തോമസ് കെ. തോമസ്, ആലപ്പുഴയില്‍ ചിത്തരഞ്ജന്‍, ചേര്‍ത്തലയില്‍ പി. പ്രസാദ് എന്നിവരും യു.ഡി.എഫ് സിറ്റിംഗ് സീറ്റായ അരൂരില്‍ ദലീമ ജോജോയാണ് മുന്നില്‍.
