'നമ്മളെ നയിച്ചവര്‍ ജയിക്കണം, തുടര്‍ച്ചയോടെ നാട് വീണ്ടും ഉജ്വലിക്കണം' ; എല്‍.ഡി.എഫിന്റെ തെരഞ്ഞെടുപ്പ് ഗാനവുമായി സിത്താര
ഡൂള്‍ന്യൂസ് ഡെസ്‌ക്
Wednesday, 17th March 2021, 1:51 pm
കൊച്ചി: നിയമസഭാ തെരഞ്ഞെടുപ്പിനുള്ള പ്രചരണ ഗാനം പുറത്തിറക്കി ഇടതുമുന്നണി. ‘നമ്മളെ നയിച്ചവര്‍ ജയിക്കണം തുടര്‍ച്ചയോടെ നാട് വീണ്ടും ഉജ്വലിക്കണം’ എന്ന് തുടങ്ങുന്ന ഗാനം ആലപിച്ചിരിക്കുന്നത് ഗായിക സിത്താര കൃഷ്ണകുമാറാണ്.
ഗാനത്തിന് സംഗീതം നിര്‍വഹിച്ചിരിക്കുന്നതും സിത്താര തന്നെയാണ്. ബി.കെ ഹരിനാരായണനാണ് ഗാനത്തിനായി വരികളൊരുക്കിയിരിക്കുന്നത്.
ഉറപ്പാണ് കേരളം എന്ന തലക്കെട്ടോടെയാണ് എല്‍.ഡി.എഫ് കേരള എന്ന യൂട്യൂബ് ചാനലില്‍ ഗാനം പങ്കുവെച്ചത്. ‘ഉറപ്പാണ് ഇടതുപക്ഷം, ഉറപ്പാണ് ജനഹിതം, ഉറപ്പാണ് കേരളം, ഉറച്ചിതാ മുന്നോട്ട് ‘ എന്ന മുദ്രാവാക്യത്തോടെയാണ് ഗാനം ആരംഭിക്കുന്നത്.
ഇതുവരെയുള്ള സര്‍ക്കാരിന്റെ ഭരണനേട്ടങ്ങള്‍ ഉയര്‍ത്തിക്കാണിക്കുന്നതാണ് ഗാനം. സമൂഹത്തിലെ വിവിധ ശ്രേണികളെ പ്രതിനിധാനം ചെയ്യുന്ന സാധാരണ ജനങ്ങളെ ഉള്‍ക്കൊള്ളിച്ചുകൊണ്ടാണ് ഗാനം മുന്നോട്ടുപോകുന്നത്.
