പൗരത്വ നിയമത്തിനെതിരെ സുപ്രീം കോടതി വളപ്പില്‍ ഭരണഘടന വായിച്ച് പ്രതിഷേധിച്ച് അഭിഭാഷകര്‍
ഡൂള്‍ന്യൂസ് ഡെസ്‌ക്
Tuesday, 7th January 2020, 7:06 pm
ന്യൂദല്‍ഹി: പൗരത്വ നിയമ ഭേദഗക്കെതിരെ പ്രതിഷേധവുമായി സുപ്രീം കോടതി അഭിഭാഷകര്‍. ദല്‍ഹി സുപ്രീം കോടതി വളപ്പില്‍ ഭരണഘടനയുടെ ആമുഖം വായിച്ചാണ് ഒരു സംഘം അഭിഭാഷകര്‍ പ്രതിഷേധിച്ചത്. ഒപ്പം ഭരണഘടനയുടെ ആമുഖത്തിന്റെ കോപ്പികള്‍ വിതരണം ചെയ്യുകയും ചെയ്തു. മുതിര്‍ന്ന അഭിഭാഷകരായ സജ്ഞയ് പരേഷ്, പ്രശാന്ത് ഭൂഷന്‍, കാമിനി ജൈശ്വാള്‍ തുടങ്ങിയവര്‍ പ്രതിഷേധത്തില്‍ പങ്കെടുത്തു.
ഇതോടൊപ്പം ജെ.എന്‍.യു സര്‍വ്വകലാശാലയിലെ വിദ്യാര്‍ത്ഥികള്‍ക്കെതിരെ കഴിഞ്ഞ ദിവസം നടന്ന ആക്രമത്തിനെതിരെയും സുപ്രീംകോടതി ബാര്‍ അസോസിയേഷന്‍ വിമര്‍ശിച്ചു.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
വിദ്യാര്‍ത്ഥികള്‍ക്കു നേരെ അതിക്രമത്തില്‍ കൃത്യ സമയത്ത് ഇടപെടാത്ത ദല്‍ഹി പൊലീസിനെ വിമര്‍ശിച്ച ബാര്‍ അസോസിയേഷന്‍ പൊലീസ് നിയമാനുസൃതമായി പ്രവര്‍ത്തിക്കണമെന്നും ആവശ്യപ്പെട്ടു.
