ആ യോര്‍ക്കറുകള്‍ ഇനിയില്ല; ലസിത് മലിംഗ വിരമിച്ചു
സ്പോര്‍ട്സ് ഡെസ്‌ക്
Tuesday, 14th September 2021, 6:28 pm
കൊളംബോ: ശ്രീലങ്കന്‍ പേസര്‍ ലസിത് മലിംഗ അന്താരാഷ്ട്ര ക്രിക്കറ്റില്‍ നിന്ന് വിരമിച്ചു. ട്വിറ്ററിലൂടെയാണ് താരം തന്റെ വിരമിക്കല്‍ പ്രഖ്യാപിച്ചത്.
ടെസ്റ്റിലും ഏകദിനത്തിലും നേരത്തെ തന്നെ വിരമിച്ച മലിംഗ ടി-20 യില്‍ തുടര്‍ന്നിരുന്നു. ലോകകപ്പ് അടുത്തിരിക്കെയാണ് ക്രിക്കറ്റിന്റെ എല്ലാ ഫോര്‍മാറ്റില്‍ നിന്നും വിരമിക്കുകയാണെന്ന് മലിംഗ പ്രഖ്യാപിച്ചത്.
2011 ലാണ് മലിംഗ ടെസ്റ്റില്‍ നിന്ന് വിരമിച്ചത്. 2019 ല്‍ ഏകദിനത്തില്‍ നിന്നും വിരമിച്ചു.
2020 ല്‍ വെസ്റ്റ് ഇന്‍ഡീസിനെതിരെയാണ് മലിംഗ അവസാനമായി ടി-20 കളിച്ചത്. 2014 ലെ ടി-20 ലോകകപ്പില്‍ ശ്രീലങ്കയെ കിരീടത്തിലേക്ക് നയിച്ചത് മലിംഗയായിരുന്നു.
