'താമസക്കാരെ ഉടന്‍ ഒഴിപ്പിക്കണം'; വയനാട്ടിലെ റിസോര്‍ട്ടുകള്‍ക്കും ഹോം സ്‌റ്റേകള്‍ക്കും കളക്ടറുടെ നിര്‍ദേശം; നടപടി ഉരുള്‍പൊട്ടല്‍ ഭീഷണിയുടെ സാഹചര്യത്തില്‍
ഡൂള്‍ന്യൂസ് ഡെസ്‌ക്
Friday, 7th August 2020, 1:54 pm
കല്‍പ്പറ്റ: വയനാട്ടിലെ റിസോര്‍ട്ടുകളിലും ഹോം സ്‌റ്റേകളിലും താമസിക്കുന്നവരെ ഉടന്‍ ഒഴിപ്പിക്കാന്‍ കളക്ടറുടെ നിര്‍ദേശം.
പടിഞ്ഞാറത്തറ, മേപ്പാടി, തവിഞ്ഞാല്‍, മൂപ്പെനാട്, തൊണ്ടര്‍നാട്, തിരുനെല്ലി, പൊഴുതന, വൈത്തിരി തുടങ്ങിയ പഞ്ചായത്തുകളില്‍ പ്രവര്‍ത്തിക്കുന്ന മുഴുവന്‍ ഹോം സ്‌റ്റേകളില്‍ നിന്നും റിസോര്‍ട്ടുകളില്‍ നിന്നും ഗസ്റ്റ് ഹൗസുകളില്‍ നിന്നും ലോഡ്ജിങ് ഹൗസുകളില്‍ നിന്നും താമസക്കാരെ അടിയന്തരമായി മാറ്റാനാണ് നിര്‍ദേശം.
