കൊല്ലം: കൊല്ലത്ത് കടയ്ക്കലിനു സമീപം കാട്ടാമ്പള്ളിയില്‍ ഉരുള്‍ പൊട്ടല്‍. കനത്ത മഴയെ തുടര്‍ന്നുണ്ടായ ഉരുള്‍പൊട്ടലില്‍ ആറു പേരെ കാണാതായി.
കടയ്ക്കല്‍ സ്വദേശികളെയാണ് ഉരുള്‍പൊട്ടലിനെ തുടര്‍ന്ന് കാണാതായത്. ഇവര്‍ക്കായി പോലീസും അഗ്നിശമന സേനയും നാട്ടുകാരും ചേര്‍ന്ന് വ്യാപകമായ തെരച്ചില്‍ നടത്തിവരികയാണ്.
പ്രദേശത്ത് കനത്ത മഴ തുടരുന്നത് രക്ഷാപ്രവര്‍ത്തനത്തിന് തടസ്സമാവുന്നുണ്ട്. ഉരുള്‍പൊട്ടലും വെള്ളപ്പൊക്കവും മൂലം വ്യാപകമായ കൃഷിനാശമാണ് ഇവിടെ ഉണ്ടായത്.