മലയാളത്തിലെ മികച്ച ക്യാമ്പസ് മൂവികളില്‍ ഒന്നാണ് ലാല്‍ജോസ് സംവിധാനം ചെയ്ത ക്ലാസ്‌മേറ്റ്‌സ്. ജയിംസ് ആല്‍ബര്‍ട്ട് തിരക്കഥ ഒരുക്കിയ ചിത്രത്തില്‍ പൃഥ്വിരാജ്, കാവ്യ മാധവന്‍, ഇന്ദ്രജിത്ത്, രാധിക, നരേന്‍, ജയസൂര്യ തുടങ്ങിയ വലിയൊരു താരനിര തന്നെ അണിനിരന്നിരുന്നു.
എന്നാല്‍ കാവ്യയെ പോലെ എല്ലാവരും അറിയുന്ന നടി ആ കഥാപാത്രം ചെയ്താല്‍ ആളുകള്‍ക്ക് ആദ്യം തന്നെ സിനിമയുടെ സസ്‌പെന്‍സ് മനസിലാകുമെന്നും താരയും സുകുവും തന്നെയാണ് ചിത്രത്തിലെ യഥാര്‍ത്ഥ നായികാ നായകന്‍ എന്ന് പറഞ്ഞ് കണ്‍വിന്‍സ് ചെയ്താണ് കാവ്യ അഭിനയിക്കാന്‍ തയ്യാറായതെന്നും ലാല്‍ ജോസ് പറയുന്നു.
‘ക്ലാസ്‌മേറ്റ്‌സ് സിനിമയുടെ ആദ്യത്തെ സീന്‍ ഷൂട്ട് ചെയ്യുമ്പോള്‍ കാവ്യ മാത്രം വന്നിട്ടില്ല. അവരെ കാണാതെ വരാന്‍ പറ എന്ന് പറഞ്ഞ് ഞാന്‍ ദേഷ്യം പിടിക്കാന്‍ തുടങ്ങി. കുറേ വിളിച്ചിട്ടും കാവ്യ വരുന്നില്ലെന്ന് പറഞ്ഞു. അങ്ങനെ എന്താണെന്ന് അറിയാന്‍ വേണ്ടി ഞാന്‍ കാവ്യയുടെ അടുത്ത് പോയപ്പോള്‍ കാവ്യ കരഞ്ഞുകൊണ്ടിരിക്കുകയായിരുന്നു.
കഥ കേട്ടിട്ട് ഇമോഷണല്‍ ആയി ഇരിക്കുന്നതായിരിക്കും എന്നാണ് ഞാന്‍ ആദ്യം വിചാരിച്ചത്. പക്ഷെ കാവ്യയുടെ പ്രശ്‌നം ഈ പടത്തിലെ നായിക കാവ്യയല്ല റസിയ ആണ് എന്നതാണ്. ‘ഞാന്‍ വേണമെങ്കില്‍ റസിയയുടെ റോള്‍ ചെയ്യാം. താരയുടെ റോള്‍ വേറെ ആര്‍ക്കെങ്കിലും കൊടുത്തോ അവരു ചെയ്‌തോട്ടെയെന്ന്’ കാവ്യ പറഞ്ഞു.
Content Highlight: Lal Jose Talks About Kavya Madhavan