എം. സിന്ധുരാജിന്റെ തിരക്കഥയില്‍ ലാല്‍ ജോസ് സംവിധാനം ചെയ്ത് 2010ല്‍ പുറത്തിറങ്ങിയ ചിത്രമാണ് എല്‍സമ്മ എന്ന ആണ്‍കുട്ടി. ആന്‍ അഗസ്റ്റിന്‍, കുഞ്ചാക്കോ ബോബന്‍, ഇന്ദ്രജിത് സുകുമാരന്‍ എന്നിവരാണ് ചിത്രത്തില്‍ കേന്ദ്ര കഥാപാത്രങ്ങളെ അവതരിപ്പിച്ചത്. ആന്‍ അഗസ്റ്റിന്റെ അരങ്ങേറ്റ ചിത്രം കൂടിയാണിത്.
എല്‍സമ്മ എന്ന ആണ്‍കുട്ടി സിനിമ വിജയിച്ചിട്ടും ആ ജയത്തിന്റെ സന്തോഷം തനിക്ക് ആസ്വദിക്കാന്‍ കഴിഞ്ഞില്ലെന്ന് പറയുകയാണ് ലാല്‍ ജോസ്. സിനിമ വിജയിച്ചിരിക്കുന്ന സമയത്ത് ഇന്ദ്രജിത് വിളിച്ചിട്ട് ആ സിനിമകൊണ്ട് തനിക്കൊരു ഗുണവും ഇല്ലെന്ന് പറഞ്ഞെന്ന് ലാല്‍ ജോസ് പറയുന്നു. ഇന്ദ്രജിന്റെ ഗുണത്തിന് വേണ്ടിയല്ല താന്‍ സിനിമ ചെയ്യുന്നതെന്നെന്ന് തിരിച്ച് പറഞ്ഞെന്നും നല്ല കഥാപാത്രമായിരുന്നിട്ടുകൂടി എന്തുകൊണ്ടാണ് ഇന്ദ്രജിത് അങ്ങനെ പറഞ്ഞതെന്ന് അറിയില്ലെന്നും അദ്ദേഹം കൂട്ടിച്ചേര്‍ത്തു. ചരിത്രം എന്നിലൂടെ എന്ന സഫാരി ചാനലിലെ പരിപാടിയിയില്‍ സംസാരിക്കുകയായിരുന്നു ലാല്‍ ജോസ്.
അപ്പോള്‍ ഞാന്‍ പറഞ്ഞു, ‘എനിക്കറിയില്ല എങ്ങനെയാണെന്ന്, നിനക്ക് ഗുണം ഉണ്ടാകണം എന്ന് വിചാരിച്ചല്ല ഞാന്‍ സിനിമ ചെയ്യുന്നത്. സിനിമക്ക് ഗുണം ഉണ്ടാകണം, സിനിമയുടെ നിര്‍മാതാവിന് ഗുണം ഉണ്ടാകണം, സിനിമ വിജയിക്കണം എന്നോര്‍ത്ത് ചെയ്‌തൊരു സിനിമയാണ്, സിനിമ വിജയിച്ചു. അത് ലക്ഷ്യം കണ്ടു. പിന്നെ നിനക്ക് മാത്രമായിട്ട് ഗുണം ഇല്ലെന്ന് തോന്നുന്നതെന്തിനാണെന്ന് എനിക്ക് അറിയില്ല.