ലക്ഷദ്വീപില്‍ ജില്ലാ പഞ്ചായത്തിന്റെ അധികാരം വെട്ടിച്ചുരുക്കി
ഡൂള്‍ന്യൂസ് ഡെസ്‌ക്
Wednesday, 12th May 2021, 8:56 am
കവരത്തി: ലക്ഷദ്വീപില്‍ ജില്ലാ പഞ്ചായത്തിന്റെ അധികാരം വെട്ടിച്ചുരുക്കി ദ്വീപ് ഭരണകൂടം. പഞ്ചായത്തിന്റെ അധികാര പരിധിയില്‍ വരുന്ന അഞ്ച് വകുപ്പുകളാണ് എടുത്തു കളഞ്ഞത്.
ആരോഗ്യം, വിദ്യാഭ്യാസം, കൃഷി, മത്സ്യബന്ധനം, മൃഗ സംരക്ഷണം തുടങ്ങിയ വകുപ്പുകളിലെ അധികാരങ്ങളാണ് വെട്ടി കുറച്ചത്. ജില്ലാ പഞ്ചായത്തിനെ അറിയിക്കാതെയാണ് നടപടി.
ഇത് സംബന്ധിച്ച വിജ്ഞാപനം പുറപ്പെടുവിച്ചു. ലക്ഷദ്വീപില്‍ 10 വില്ലേജ് ദ്വീപ് പഞ്ചായത്തുകളുണ്ട്.
ഇവയുടെ പ്രതിനിധികളാണ് പഞ്ചായത്ത് കൗണ്‍സിലിനെ തെരഞ്ഞെടുക്കുന്നത്. ഈ കൗണ്‍സിലിന് വലിയ അധികാരങ്ങളുണ്ട്. ഇതാണ് വെട്ടിച്ചുരുക്കിയത്.
