മ്യൂണിച്ച്: പ്രമുഖ ഓണ്‍ലൈന്‍ വ്യാപാര സ്ഥാപനമായ ആമസോണില്‍ തൊഴിലാളി സമരം ശക്തമാകുന്നു. മെച്ചപ്പെട്ട തൊഴില്‍ സാഹചര്യം ആവശ്യപ്പെട്ട് ജര്‍മനിയിലേയും സ്‌പെയിനിലേയും ജീവനക്കാരാണ് സമരം ചെയ്തത്. പണിമുടക്കിയായിരുന്നു സമരം.
ക്രിസ്മസിനോട് അനുബന്ധിച്ച് വ്യാപാരത്തില്‍ ഇളവുകള്‍ തുടങ്ങിയ ദിവസം തന്നെയാണ് തൊഴിലാളികളുടെ സമരം. തൊണ്ണൂറ് ശതമാനത്തോളം തൊഴിലാളികള്‍ സമരത്തില്‍ പങ്കെടുത്തതായി തൊഴിലാളി യൂണിയന്‍ അവകാശപ്പെട്ടു. കടുത്ത ജോലിഭാരമാണ് കമ്പനി അടിച്ചേല്‍പ്പിക്കുന്നതെന്ന് തൊഴിലാളികള്‍ പറഞ്ഞു. സമരം ഇന്നും തുടരും.
എന്നാല്‍ 620 തൊഴിലാളികള്‍ മാത്രമാണ് സമരത്തില്‍ പങ്കെടുത്തതെന്ന് ആമസോണ്‍ അധികൃതര്‍ അവകാശപെട്ടു. സമരം കമ്പനിയുടെ പ്രവര്‍ത്തനത്തെ ബാധിച്ചിട്ടില്ലെന്നും ആമസോണ്‍ വ്യക്തമാക്കി.