യുവാവിനെ കൊലപ്പെടുത്തിയ കേസില്‍ 10 പ്രതികള്‍ അറസ്റ്റിലായിട്ടുണ്ട്. മര്‍ദനം നടന്ന ദിവസം പ്രതികളിലെ നാല് പേര് സാബിറിനെ പ്ലാസ്റ്റിക്ക് കുപ്പികള്‍ വില്‍ക്കാനെന്ന് വിശ്വസിപ്പിച്ച് കടയിലേക്ക് വിളിച്ചുവരുത്തുകയായിരുന്നു. പിന്നാലെ ഇയാളെ മര്‍ദിക്കുകയും മര്‍ദനം ആളുകളുടെ ശ്രദ്ധയില്‍ പെട്ടതോടെ സാബിറിനെ മറ്റൊരിടത്തേക്ക് മാറ്റി വീണ്ടും മര്‍ദിക്കുകയായിരുന്നു.
സാബിര്‍ മരണപ്പെടുന്നതിന് മണിക്കൂറുകള്‍ക്ക് മുമ്പ് അക്രമികളുടെ സംഘം ഗ്രാമത്തിലേക്ക് പൊലീസിനെ വിളിച്ചുവരുത്തിയിരുന്നു. ഗ്രാമത്തിലുള്ള ചില കുടുംബങ്ങളില്‍ ബീഫ് പാകം ചെയ്തുവെന്നും കഴിച്ചുവെന്നും അറിയിച്ചാണ് സംഘം പൊലീസിനെ വിളിച്ചുവരുത്തിയത്.
തുടര്‍ന്ന് സ്ഥലത്തെത്തിയ പൊലീസ് ഇറച്ചി പിടിച്ചെടുക്കുകയും പരിശോധനയ്ക്ക് അയക്കുകയും ചെയ്തിരുന്നു. എന്നാല്‍ ഇതിനിടെ ഗോരക്ഷകര്‍ യുവാവിനെ തല്ലികൊല്ലുകയായിരുന്നു. പൊലീസ് പിടിച്ചെടുത്ത ഇറച്ചി ബീഫ് അല്ലെന്നാണ് ഫരീദാബാദ് ലാബ് റിപ്പോര്‍ട്ട് വ്യക്തമാക്കുന്നത്.
സംഭവത്തില്‍ കൂടുതല്‍ പ്രതികള്‍ക്കായി തിരച്ചില്‍ തുടരുകയാണെന്ന് ഡി.എസ്.പി ഭരത് ഭൂഷണ്‍ പറഞ്ഞു. മര്‍ദനം നടക്കുമ്പോള്‍ സാബിറിനോടപ്പം പങ്കാളി ഷക്കീനയും മകളുമുണ്ടായിരുന്നു. ഇവര്‍ സാബിറിന്റെ മരണത്തോടെ ബംഗാളിലേക്ക് തിരിച്ചുപോകുകയും ചെയ്തു. ഷക്കീനയുടെ സഹോദരന്‍ സുജാവുദ്ദീന്‍ നല്‍കിയ പരാതിയിലാണ് ഗോരക്ഷകര്‍ക്കെതിരെ പൊലീസ് നടപടിയെടുത്തത്.
Content Highlight: Lab report is a crucial evidence in the case of murder of a young man for allegedly eating beef in Haryana
