ജൂണ്‍ 8 മുതല്‍ ലാ ലിഗ പുനരാരംഭിക്കുമെന്ന് സ്‌പെയിന്‍
സ്പോര്‍ട്സ് ഡെസ്‌ക്
Saturday, 23rd May 2020, 7:27 pm
എസ്പനോള്‍: സ്പാനിഷ് ഫുട്‌ബോള്‍ ലീഗായ ലാ ലിഗ ജൂണ്‍ 8 മുതല്‍ പുനരാരംഭിക്കും. പ്രധാനമന്ത്രി പെഡ്രോ സാഞ്ചെസാണ് ഇക്കാര്യം വ്യക്തമാക്കിയത്.
‘രാജ്യം തിരിച്ചുവരവിന്റെ പാതയിലാണ്. ദൈനംദിന കാര്യങ്ങള്‍ പുനരാരംഭിക്കണം. ലാ ലിഗ ജൂണ്‍ 8 ന് തിരിച്ചുവരും’, സാഞ്ചെസ് പറഞ്ഞു.
നേരത്തെ ലാ ലിഗ പ്രസിഡണ്ട് ജാവിയര്‍ തേബാസും മത്സരങ്ങള്‍ ജൂണോടെ പുനരാരംഭിക്കാമെന്ന് പ്രത്യാശ പ്രകടിപ്പിച്ചിരുന്നു. അതേസമയം മത്സരങ്ങള്‍ അടച്ചിട്ട ഗാലറിയിലായിരിക്കും നടക്കാന്‍ സാധ്യത.
