മെസിക്ക് പിന്നാലെ എംബാപ്പെയും പി.എസ്.ജി വിടുന്നു? സൂപ്പര്‍താരത്തെ റാഞ്ചാനൊരുങ്ങി സ്പാനിഷ് ക്ലബ്ബ്; റിപ്പോര്‍ട്ട്
സ്പോര്‍ട്സ് ഡെസ്‌ക്
Wednesday, 12th April 2023, 5:29 pm
സൂപ്പര്‍താരം ലയണല്‍ മെസിയുടെ പി.എസ്.ജിയിലെ കരാര്‍ വരുന്ന ജൂണിലാണ് അവസാനിക്കുക. തുടര്‍ന്ന് താരം പി.എസ്.ജി വിടുമെന്നും പഴയ തട്ടകമായ ബാഴ്‌സലോണയിലേക്ക് ചേക്കേറുമെന്നും റിപ്പോര്‍ട്ടുകളുണ്ട്.
മെസിക്ക് പിന്നാലെ കിലിയന്‍ എംബാപ്പെയും ക്ലബ്ബ് വിടുന്നു എന്ന വാര്‍ത്തയാണ് ഇപ്പോള്‍ പുറത്തുവരുന്നത്. താരത്തെ സ്വന്തമാക്കാന്‍ മോഹവില വാഗ്ദാനം ചെയ്ത് രംഗത്തെത്തിയിരിക്കുകയാണ് റയല്‍ മാഡ്രിഡ്. മാഡ്രിഡ് പ്രസിഡന്റ് ഫ്‌ളോറെന്റിനൊ പെരെസിന്റെ സ്വപ്ന ട്രാന്‍സ്ഫര്‍ ആണ് എംബാപ്പെയെ ക്ലബ്ബില്‍ എത്തിക്കുക എന്നത്.
