ലോക തപാല്‍ദിനത്തില്‍ കുഞ്ചാക്കോ ബോബന് കത്തയച്ച് 'ചോട്ട' ലഡ്കി; മറുപടി കത്തില്‍ നന്ദിയറിയിച്ച് താരം
ലോക തപാല്‍ ദിനത്തില്‍ കുഞ്ചാക്കോ ബോബന് കത്തയച്ച കൊച്ചു പെണ്‍കുട്ടിയ്ക്ക് മറുപടി നല്‍കി താരം.
‘ലോക തപാല്‍ ദിനത്തില്‍ ഈ ചോട്ട എനിക്ക് തപാല്‍ വഴി അയച്ച കത്താണിത്’ എന്നു പറഞ്ഞാണ് കുഞ്ചാക്കോ ബോബന് കീര്‍ത്തന എന്ന പെണ്‍കുട്ടിയുടെ കത്തും താരത്തിന്റെ മറുപടിക്കത്തും ഫേസ്ബുക്കിലിട്ടത്.
‘ഈ മധുരതരമായ കത്തിന് ഒരുപാട് നന്ദി’ എന്നു കൂടി കുഞ്ചാക്കോ ഫേസ്ബുക്ക് പോസ്റ്റില്‍ കൂട്ടിച്ചേര്‍ത്തു.
ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ
‘ബഹുമാനപ്പെട്ട കുഞ്ചാക്കോ ബോബന് അറിയുന്നതിന്,
ഞാന്‍ അയ്യപ്പന്‍ കോവില്‍ ഗവണ്‍മെന്റ് എല്‍.പി സ്‌കൂളില്‍ മൂന്നാം ക്ലാസില്‍ പഠിക്കുന്നു. ലോക തപാല്‍ ദിനത്തോടനുബന്ധിച്ച് അങ്ങേയ്ക്ക് ഒരു കത്ത് എഴുതുന്നതില്‍ വളരെ സന്തോഷമുണ്ട്. സിനിമാ മേഖലയില്‍ ഇനിയും ഒരുപാട് ഉയരങ്ങളില്‍ എത്തട്ടെ എന്ന് ആശംസിക്കുന്നു’.
എന്ന് കീര്‍ത്തന,
ക്ലാസ് മൂന്ന്,
എന്നാണ് കുഞ്ഞു കീര്‍ത്തനയുടെ കത്തിലുള്ളത്.
പ്രിയപ്പെട്ട കീര്‍ത്തനമോള്‍ക്ക്, മോളയച്ച കത്തു കിട്ടി. സ്‌നേഹത്തിനും ആശംസകള്‍ക്കും ഒരുപാട് നന്ദി എന്നായിരുന്നു കുഞ്ചാക്കോ ബോബന്റെ മറുപടികത്തിലെ പരാമര്‍ശം.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
