'2014ല്‍ ഇന്ത്യയ്ക്ക് കോമണ്‍സെന്‍സ് നഷ്ടപ്പെട്ടു,ഇപ്പോള്‍ സര്‍വ്വവും നഷ്ടമാകാന്‍ പോകുന്നു'; മോദിയെ പരിഹസിച്ച് കുനാല്‍ കമ്ര
ഡൂള്‍ന്യൂസ് ഡെസ്‌ക്
Tuesday, 9th March 2021, 3:31 pm
ന്യൂദല്‍ഹി: പൊതുമേഖലാ ബാങ്കുകള്‍ സ്വകാര്യവത്കരിക്കാനുള്ള കേന്ദ്ര സര്‍ക്കാരിന്റെ നയത്തിനെതിരെ പ്രതിഷേധം ശക്തമാകുന്നു. സമൂഹമാധ്യമങ്ങളിലൂടെ നടക്കുന്ന പ്രതിഷേധത്തില്‍ ഇതിനോടകം നിരവധി പേരാണ് കേന്ദ്രത്തിനെതിരെ വിമര്‍ശനം ഉന്നയിച്ച് മുന്നോട്ടു വന്നിരിക്കുന്നത്.
2014ല്‍ ഇന്ത്യയ്ക്ക് കോമണ്‍സെന്‍സ് നഷ്ടമായി, ഇപ്പോള്‍ ഇന്ത്യയുടെ മുഴുവന്‍ സ്വത്തും കൈവിട്ട് പോകുന്നു എന്നാണ് പൊതുമേഖല ബാങ്കുകള്‍ സ്വാകാര്യവത്ക്കരിക്കാനുള്ള കേന്ദ്രത്തിന്റെ നയത്തിനെതിരെ കുനാല്‍ കമ്ര പറഞ്ഞത്.
ഈ നാടകം മുഴുവന്‍ നിര്‍ത്തി നീരവ് മോഡിയെ ആര്‍.ബി.ഐ ഗവര്‍ണറാക്കി കാര്യങ്ങള്‍ അവസാനിപ്പിച്ചൂകൂടേ മോദി ജിയെന്നും കുനാല്‍ കമ്ര ചോദിച്ചു.
