കൊച്ചി: ക്വീന്‍ ഫെയിം അശ്വിന്‍ ജോസ്, എല്‍ദോ മാത്യു, ജെന്‍സണ്‍ (മാട) ഷാലു റഹിം എന്നിവരെ കേന്ദ്ര കഥാപാത്രങ്ങളാക്കി നവാഗതനായ സാഗര്‍ ഹരി തിരക്കഥയും സംവിധാനവും നിര്‍വഹിക്കുന്ന കുമ്പാരിസിന്റെ പ്രൊമോ ഗാനം പുറത്തിറങ്ങി.

ഒരു ചായക്കടയുടെ പശ്ചാത്തലത്തില്‍ തുടങ്ങുന്ന ഗാനം കട്ടകലിപ്പിലാണ് അവസാനിക്കുന്നത്. ഒരു ആക്ഷന്‍ പാക്ക്ഡ് യുവ ചിത്രമായിരിക്കുമെന്നാണ് ഗാനം തരുന്ന സൂചന. ടൈറ്റില്‍ കാര്‍ഡിലെ പോലെ ഈ കട്ടക്കലിപ്പന്‍ ഗാനത്തിന്റെ രചന അശ്വിന്‍ കൃഷ്ണയും സംഗീതം ഷിബു സുകുമാരനുമാണ്. ഷിബു തന്നെയാണ് ഗാനം ആലപിച്ചിരിക്കുന്നത്.

നവംബര്‍ ഒന്നാം തിയ്യതിയാണ് ചിത്രത്തിന്റെ ഷൂട്ടിംഗ് ആരംഭിക്കുന്നത്. വിഷ്ണു ശര്‍മ്മയാണ് ചിത്രം നിര്‍മ്മിക്കുന്നത്.