ഇംഗ്ലണ്ടിന് ആറ് റണ്‍സ് കൊടുത്തതില്‍ പിഴവ് സംഭവിച്ചിട്ടുണ്ടെന്ന് അംപയര്‍ കുമാര്‍ ധര്‍മ്മസേന
സ്പോര്‍ട്സ് ഡെസ്‌ക്
Sunday, 21st July 2019, 5:32 pm
ലോകകപ്പ് ഫൈനലിലെ അവസാന ഓവറില്‍ ഇംഗ്ലണ്ടിന് ആറ് റണ്‍സ് അനുവദിച്ച സംഭവത്തില്‍ പിഴവ് സംഭവിച്ചിട്ടുണ്ടെന്നും അഞ്ച് റണ്‍സ് മാത്രമാണ് നല്‍കേണ്ടിയിരുന്നതെന്നും തുറന്നു പറഞ്ഞ് അംപയര്‍ കുമാര്‍ ധര്‍മ്മസേന. സണ്‍ഡേ ടൈംസിനോടാണ് ധര്‍മ്മസേനയുടെ വെളിപ്പെടുത്തല്‍. അതേസമയം തീരുമാനമെടുത്തതില്‍ ഖേദമില്ലെന്നും ധര്‍മ്മസേന പറയുന്നുണ്ട്.
‘ഇപ്പോള്‍ ടിവി റിപ്ലേകള്‍ കാണുമ്പോള്‍ പിശക് പറ്റിയതായി മനസിലായി. പക്ഷെ ഞങ്ങള്‍ക്ക് ഗ്രൗണ്ടില്‍ ഈ ടിവി റിപ്ലേകളുടെ ആഡംബരമൊന്നുമില്ലല്ലോ. ഞാനെടുത്ത തീരുമാനത്തില്‍ ഒരിക്കലും ഖേദിക്കുന്നില്ല. ആ സമയത്ത് ഞാനെടുത്ത തീരുമാനത്തില്‍ ഐ.സി.സി എന്നെ പ്രശംസിക്കുകയാണ് ചെയ്തത്.
