കുടുംബശ്രി രാജ്യത്തിന് മാതൃക; നഞ്ചിയമ്മ സ്ത്രീകള്‍ക്ക് പ്രചോദനം: ദ്രൗപദി മുര്‍മു
ഡൂള്‍ന്യൂസ് ഡെസ്‌ക്
Friday, 17th March 2023, 5:16 pm
തിരുവനന്തപുരം: കേരളത്തിലെ സ്ത്രീകള്‍ വിദ്യാ സമ്പന്നരും ശാക്തീകരിക്കപ്പെട്ടവരുമാണെന്ന് രാഷ്ട്രപതി ദ്രൗപദി മുര്‍മു. സംസ്ഥാന സര്‍ക്കാര്‍ നല്‍കിയ പൗരസ്വീകരണത്തില്‍ സംസാരിക്കുകയായിരുന്നു മുര്‍മു.
ഉയര്‍ന്ന സാക്ഷരതയുള്ള സംസ്ഥാനമാണ് കേരളമെന്നും സാക്ഷരത നേടിയവരില്‍ നിരവധി സ്ത്രീകളും ഉള്‍പ്പെടുന്നുവെന്ന് മുര്‍മു പറഞ്ഞു. കുടുംബശ്രീ കേരളത്തിലെ സ്ത്രീ ശാക്തീകരണത്തിന്റെ മികച്ച ഉദാഹരണമാണെന്നും അവര്‍ പറഞ്ഞു.
കേരളത്തിലേത് എപ്പോഴും തിളക്കമാര്‍ന്ന ശാക്തീകരണ പദ്ധതികളാണെന്നും മുര്‍മു പറഞ്ഞു.
കുടുംബശ്രീയുടെ 25ാമത് വാര്‍ഷികത്തിന്റെ ഭാഗമായി സി.ഡി.എസ് അംഗങ്ങള്‍ എഴുതുന്ന കുടുംബശ്രീ ചരിത്രമായ ‘ചുവടിന്റെ’ ലോഗോ പ്രകാശനം ചെയ്താണ് കുടുംബശ്രീയുടെ മികവിനെ അവര്‍ ചൂണ്ടിക്കാട്ടിയത്.
