കെ.എസ്.ആര്‍.ടി.സി 2107 എംപാനല്‍ ഡ്രൈവര്‍മാരെ പിരിച്ചുവിട്ടു; യാത്രാ പ്രതിസന്ധി രൂക്ഷമായേക്കും
ഡൂള്‍ന്യൂസ് ഡെസ്‌ക്
Sunday, 30th June 2019, 10:27 am
തിരുവനന്തപുരം: 2107 എംപാനല്‍ ഡ്രൈവര്‍മാരെ പിരിച്ചുവിട്ട് കെഎസ്ആര്‍ടിസി. സുപ്രീംകോടതി അനുവദിച്ച സമയം കഴിഞ്ഞതോടെയാണ് നടപടി. തെക്കന്‍ മേഖലയിലെ 1479 പേരെയും മധ്യമേഖലയില്‍ 257 പേരെയും വടക്കന്‍ മേഖലയില്‍ 371പേരെയുമാണ് പിരിച്ചുവിട്ടത്.
ഡ്രൈവര്‍മാരെ പിരിച്ചുവിട്ട നടപടി സംസ്ഥാനമൊട്ടാകെയുള്ള സര്‍വ്വീസുകളെ ബാധിച്ചേക്കും. ദിവസവും 600 ഓളം സര്‍വ്വീസുകള്‍ മുടങ്ങിയേക്കുമെന്നാണ് സൂചന. തെക്കന്‍ ജില്ലകളില്‍ പ്രതിസന്ധി രൂക്ഷമാകും. ഇത് മറികടക്കാന്‍ ജീവനക്കാരുടെ അവധി വെട്ടിക്കുറച്ച് ക്രമീകരണം നടത്താനാണ് കെ.എസ്.ആര്‍.ടി.സി ലക്ഷ്യമിടുന്നത്.
