കോഴിക്കോട് നഗരം ചുറ്റാന്‍ ഡബിള്‍ ഡെക്കര്‍ കെ.എസ്.ആര്‍.ടി.സി വരുന്നു
ഡൂള്‍ന്യൂസ് ഡെസ്‌ക്
Thursday, 26th January 2023, 9:07 pm
കോഴിക്കോട്: നഗരം ചുറ്റാനായി കോഴിക്കോട്ടും ഡബിള്‍ ഡെക്കര്‍ സിറ്റി റൈഡ് സര്‍വീസ് ആരംഭിക്കാനൊരുങ്ങി കെ.എസ്.ആര്‍.ടി.സി.
കോഴിക്കോട് നഗരത്തിലെ പ്രധാന ടൂറിസ്റ്റ് കേന്ദ്രങ്ങളായ പ്ലാനിറ്റേറിയം, തളിക്ഷേത്രം, കുറ്റിച്ചിറ മിശ്കാല്‍ പള്ളി, കുറ്റിച്ചിറ കുളം, കോതി-വരക്കല്‍ ബീച്ച് എന്നിവ ബന്ധപ്പെടുത്തിയായിരിക്കും ഡബിള്‍ ഡെക്കര്‍ ബസ് സര്‍വീസ്.
ഉച്ച മുതല്‍ രാത്രി വരെയാണ് ഡബിള്‍ ഡെക്കര്‍ സിറ്റി റൈഡ് സര്‍വീസ് കോഴിക്കോട് നഗരം ചുറ്റുക. 200 രൂപയായിരിക്കും ഈ സഞ്ചാരികളെ ലക്ഷ്യമിട്ടുള്ള സര്‍വീസിനുള്ള ബസ് ചാര്‍ജ്. കെ.എസ്.ആര്‍.ടി.സി കോഴിക്കോട് ഡിപ്പോ അധികൃതരാണ് ഇക്കാര്യം അറിയിച്ചത്.
