ബസിന് മുകളില്‍ കയറി ആന വണ്ടി പ്രേമികളുടെ യാത്ര; ഡ്രൈവര്‍ക്ക് കൊവിഡ്, യാത്രക്കാരോട് നിരീക്ഷണത്തില്‍ പോകാന്‍ നിര്‍ദേശം
ഡൂള്‍ന്യൂസ് ഡെസ്‌ക്
Tuesday, 13th April 2021, 9:19 pm
ബത്തേരി: കെ.എസ്.ആര്‍.ടി.സി ബസിന് മുകളില്‍ കയറി ആനവണ്ടി പ്രേമികള്‍ നടത്തിയ യാത്ര വിവാദമാകുന്നതിനിടെ ബസ് ഓടിച്ച ഡ്രൈവര്‍ക്ക് കൊവിഡ് സ്ഥിരീകരിച്ചു.
അന്നേ ദിവസം അതേ ബസില്‍ യാത്ര ചെയ്ത യാത്രക്കാരോട് മുഴുവന്‍ നിരീക്ഷണത്തില്‍ പോകാന്‍ നിര്‍ദ്ദേശിച്ചിട്ടുണ്ട്. ഞായറാഴ്ചയാണ് ആനവണ്ടി പ്രേമികള്‍ എന്ന കുട്ടായ്മ ബത്തേരി ഡിപ്പോയില്‍ നിന്ന് രണ്ട് വണ്ടികള്‍ വാടകയ്ക്ക് എടുത്തത്.
ഇതിനിടെ ബസിന് മുകളില്‍ കയറി ഒരുസംഘം കിലോമീറ്ററുകളോളം സഞ്ചരിച്ചിരുന്നു. സംഭവത്തില്‍ വയനാട് ആര്‍.ടി.ഒ അന്വേഷണം പ്രഖ്യാപിച്ചിരുന്നു.
