അഹമ്മദാബാദ്: ഇംഗ്ലണ്ടിനെതിരായ ഒന്നാം ഏകദിനത്തിലെ തന്റെ അരങ്ങേറ്റം അവിസ്മരണീയമാക്കി ക്രുണാള്‍ പാണ്ഡ്യ. 26 പന്തില്‍ അര്‍ധസെഞ്ച്വറി നേടിയ ക്രുണാളിന്റെ ഇന്നിംഗ്‌സ് ലോകറെക്കോഡാണ്.
അരങ്ങേറ്റ മത്സരത്തില്‍ ഒരു ബാറ്റ്‌സ്മാന്‍ നേടുന്ന വേഗമേറിയ അര്‍ധസെഞ്ച്വറി എന്ന റെക്കോഡാണ് ഈ മുംബൈ ഇന്ത്യന്‍സ് താരം സ്വന്തമാക്കിയത്. അരങ്ങേറ്റത്തില്‍ ഇത് 15-ാം തവണയാണ് ഒരു ഇന്ത്യന്‍ താരം അര്‍ധസെഞ്ച്വറി നേടുന്നത്.
This is all heart 💙🫂
A teary moment for ODI debutant @krunalpandya24 post his brilliant quick-fire half-century💥💥@hardikpandya7 #TeamIndia #INDvENG @Paytm pic.twitter.com/w3x8pj18CD
— BCCI (@BCCI) March 23, 2021
31 പന്തില്‍ 58 റണ്‍സുമായി പുറത്താകാതെ നിന്ന ക്രുണാള്‍, കെ.എല്‍ രാഹുലിനൊപ്പം ആറാം വിക്കറ്റില്‍ നിര്‍ണായകമായ 112 റണ്‍സാണ് കൂട്ടിച്ചേര്‍ത്തത്.
രാഹുല്‍ 62 റണ്‍സുമായി പുറത്താകാതെ നിന്നു. നേരത്തെ ടോസ് നേടിയ ഇംഗ്ലണ്ട്, ഇന്ത്യയെ ബാറ്റിംഗിനയയ്ക്കുകയായിരുന്നു.
