കോഴിക്കോട്: മോഹന്‍ലാലിനേയും മമ്മൂട്ടിയേയുമെല്ലാം വളരെ മോശമായി അധിക്ഷേപിച്ചതിലൂടെയാണ് മലയാളികള്‍ക്കിടയിലേക്ക് കെ.ആര്‍.കെ എന്ന പേര് കടന്നുവരുന്നത്. മുന്നും പിന്നും നോക്കാതെ പ്രമുഖതാരങ്ങളെ അധിക്ഷേപിച്ചുകൊണ്ടാണ് കെ.ആര്‍.കെ എന്ന കമാല്‍ ആര്‍. ഖാന്‍ സ്വയം മാര്‍ക്കറ്റ് ചെയ്യുന്നത്. കടുത്ത തെറിവിളികള്‍ക്കും വിമര്‍ശനങ്ങള്‍ക്കും ഇടയിലും “അജയ്യനായി” മുന്നോട്ട് പോകുകയാണ് കെ.ആര്‍.കെ.
ഇപ്പോഴിതാ ട്വിറ്റര്‍ ഉപഭോക്താക്കള്‍ക്ക് പുതിയ ഓഫറുമായി എത്തിയിരിക്കുകയാണ് കെ.ആര്‍.കെ. ഓരോരുത്തരുടേയും ബാങ്ക് അക്കൗണ്ടില്‍ അഞ്ച് ലക്ഷം രൂപ വീതം ഇട്ട് തരുമെന്നാണ് അദ്ദേഹത്തിന്റെ ഓഫര്‍. എന്നാല്‍ ഇത് വെറുതേയങ്ങ് തരില്ല. അതിനായി ചെറിയൊരു കാര്യം ചെയ്യണം.
In Case You Missed: സാക്കിര്‍ നായിക്കിന് സല്‍മാന്‍ രാജാവ് സൗദി പൗരത്വം നല്‍കിയതായി റിപ്പോര്‍ട്ട്
കെ ആര്‍.കെയെ ട്വിറ്ററില്‍ ഫോളോ ചെയ്യുക എന്നതാണ് ആ നിസാര കാര്യം. ഈ മാസം 31-നുള്ളില്‍ തന്നെ ട്വിറ്ററില്‍ ഫോളോ ചെയ്യുന്നവരുടെ അക്കൗണ്ടില്‍ 5 ലക്ഷം രൂപ വീതം നിക്ഷേപിക്കാന്‍ താന്‍ തീരുമാനിച്ചിട്ടുണ്ടെന്ന കാര്യം കെ.ആര്‍.കെ തന്നെയാണ് ട്വിറ്ററിലൂടെയും ഫേസ്ബുക്കിലൂടെയും അറിയിച്ചത്.
എന്നാല്‍ കടുത്ത പരിഹാസത്തോടെയാണ് ട്വിറ്റര്‍ ഉപഭോക്താക്കള്‍ കെ.ആര്‍.കെയെ വരവേറ്റത്. പ്രധാനമന്ത്രിയാകുന്നതിന് മുന്‍പ് നരേന്ദ്രമോദി പറഞ്ഞത് പോലെയുള്ള വെറും “തള്ള്” മാത്രമാണ് ഇതെന്നാണ് ഭൂരിഭാഗം പേരും പറയുന്നത്. എന്തായാലും തന്റെ വാഗ്ദാനം കെ.ആര്‍.കെ പാലിക്കുമോ അതോ മോദിയെ പോലെ പറ്റിക്കുമോ എന്നറിയാനായി നമുക്കും കാത്തിരിക്കാം!
കെ.ആര്‍.കെയുടെ ട്വീറ്റ്:
I have decided to deposit ₹5 lakhs in the account of each follower who will follow me till 31st of May 2017. Time starts now!
— KRK (@kamaalrkhan) May 20, 2017
കെ.ആര്‍.കെയുടെ ഫേസ്ബുക്ക് പോസ്റ്റ്: