കെ.പി.എ മജീദിന്റെ സന്ദര്‍ശനം; തൃശ്ശൂര്‍ ലീഗ് നേതൃത്വത്തിനെതിരെ നഗരത്തില്‍ പോസ്റ്ററുകള്‍; കമ്മറ്റി പിരിച്ചു വിടണമെന്നാവശ്യം
ഡൂള്‍ന്യൂസ് ഡെസ്‌ക്
Saturday, 9th January 2021, 11:11 am
തൃശ്ശൂര്‍: മുസ്‌ലീം ലീഗ് തൃശ്ശൂര്‍ ജില്ലാ നേതൃത്വത്തിനെതിരെ പ്രതിഷേധവുമായി ഒരു വിഭാഗം പ്രവര്‍ത്തകര്‍. തൃശ്ശൂര്‍ ജില്ലാ കമ്മറ്റി പിരിച്ചു വിടണമെന്നാവശ്യപ്പെട്ട് നഗരത്തില്‍ വിവിധ സ്ഥലങ്ങളില്‍ പോസ്റ്ററുകള്‍ പതിപ്പിച്ചിട്ടുണ്ട്.
മുസ്‌ലിം ലീഗ് സംസ്ഥാന ജനറല്‍ സെക്രട്ടറി കെ.പി.എ മജീദിന്റെ സന്ദര്‍ശനത്തിന് മുന്നോടിയായിട്ടാണ് പോസ്റ്ററുകള്‍ ഉയര്‍ന്നിരിക്കുന്നത്. തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പില്‍ ഏറ്റ തിരിച്ചടിയാണ് പ്രതിഷേധത്തിന് കാരണം.
