കോഴിക്കോട് മുസ്‌ലിം ലീഗ് ഓഫീസിന് നേരെ ബോംബേറ്; പിന്നില്‍ സി.പി.ഐ.എം ആണെന്ന് ലീഗ്
ഡൂള്‍ന്യൂസ് ഡെസ്‌ക്
Wednesday, 20th January 2021, 4:02 pm
കോഴിക്കോട്: മുസ്‌ലിം ലീഗ് ഓഫീസിന് നേരെ ബോംബേറ്. ആക്രമണത്തില്‍ കെട്ടിടത്തിന്റെ ജനലും ഭിത്തിയും ഭാഗികമായി തകര്‍ന്നു. കോഴിക്കോട് കിഴക്കന്‍ പേരാമ്പ്ര വിളയാട്ടു കണ്ടിമുക്കിലെ മുസ്‌ലിം ലീഗ് ഓഫീസിന് നേരെയാണ് ആക്രമണം ഉണ്ടായത്.
ബോംബാക്രമണത്തിന് പിന്നില്‍ സി.പി.ഐ.എം ആണെന്ന് മുസ്‌ലിം ലീഗ് ആരോപിച്ചു. പുലര്‍ച്ചെ 2 മണിയോടെയാണ് ആക്രമണം ഉണ്ടായത്.
രണ്ടു ബൈക്കുകളിലെത്തിയ സംഘമാണ് ആക്രമണം നടത്തിയതെന്നാണ് സി.സി.ടി.വി ദൃശ്യങ്ങളില്‍ നിന്നും മനസിലാവുന്നത്.
