അരിമണി പുഴുവെന്ന് തെറ്റിദ്ധരിച്ചു; ബിരിയാണി ചെമ്പ് റോഡിലേക്ക് വലിച്ചെറിഞ്ഞ് യുവാവ്
ഡൂള്‍ന്യൂസ് ഡെസ്‌ക്
Wednesday, 17th November 2021, 1:42 pm
കോഴിക്കോട്: അരിമണി പുഴുവാണെന്ന് തെറ്റിദ്ധരിച്ച് ഹോട്ടലിലെ ബിരിയാണി ചെമ്പ് റോഡിലേക്ക് വലിച്ചെറിഞ്ഞ് യുവാവ്. 8 കിലോ അരിയുടെ ബിരിയാണിയാണ് ഇയാള്‍ റോഡിലേക്ക് വലിച്ചെറിഞ്ഞത്. കോഴിക്കോട് രാമനാട്ടുകരയിലാണ് സംഭവം.
പാര്‍സല്‍ വാങ്ങിച്ച ബിരിയാണിയില്‍ പുഴുവിനെ കണ്ടെത്തിയെന്നാരോപിച്ച് ഇയാള്‍ ഹോട്ടലില്‍ എത്തുകയായിരുന്നു. ആരോപണത്തെ തുടര്‍ന്ന് ഹോട്ടലുടമ ബിരിയാണി പരിശോധിക്കുകയും എണ്ണയില്‍ പൊരിഞ്ഞ അരിമണി കണ്ടെത്തുകയും ചെയ്തു.
