മാനസിക സമ്മര്‍ദം കുറയ്ക്കാന്‍ വിനോദയാത്ര നടത്തി കോഴിക്കോട് കസബ സേനാംഗങ്ങള്‍; കസബ മോഡല്‍ സംസ്ഥാന വ്യാപകമായി നടപ്പാക്കുമെന്നും പൊലീസ് അസോസിയേഷന്‍
ഡൂള്‍ന്യൂസ് ഡെസ്‌ക്
Tuesday, 5th November 2019, 10:23 am
കോഴിക്കോട്: ഊട്ടിക്ക് യാത്ര നടത്തി പോലീസുകാര്‍. മാനസിക സമ്മര്‍ദ്ദം കുറയ്ക്കാനാണ് കസബ സ്റ്റേഷനിലെ പൊലീസുകാര്‍ ഊട്ടിയിലേക്ക് വിനോദയാത്ര നടത്തിയത്.
ചെമ്മങ്ങാടിലേയും, ടൗണ്‍ പൊലീസ് സ്റ്റേഷനിലേയും സേനാംഗങ്ങളെ താത്കാലികമായി സ്റ്റേഷനിലാക്കിയായിരുന്നു പൊലീസുകാരുടെ വിനോദയാത്ര. ഡി.ജി.പി ലോക്‌നാഥ് ബെഹ്‌റയും സിറ്റി പൊലീസ് മേധാവി എ.വി ജോര്‍ജും നേരത്തേ ഇതു സംബന്ധിച്ച് ഉത്തരവുകള്‍ നല്‍കിയിരുന്നു. അതേ തുടര്‍ന്നാണ് കസബ സ്റ്റേഷനിലെ യാത്രക്കാര്‍ ഞായറാഴ്ച ഊട്ടിക്ക് തിരിച്ചത്. തിങ്കളാഴ്ച മടങ്ങി വരികയും ചെയ്തു.
