കൂടംകുളം പ്രതിഷേധ മാര്‍ച്ച് പാറശ്ശാലയില്‍ ആരംഭിക്കും
ഡൂള്‍ന്യൂസ് ഡെസ്‌ക്
Thursday, 13th September 2012, 5:31 pm
പാറശ്ശേരി: കൂടംകുളം ആണവനിലയത്തിനെതിരെ സമരം നടത്തുന്നവര്‍ക്കെതിരെ പോലീസ് നടത്തിയ നരനായാട്ടില്‍ പ്രതിഷേധിച്ച് ആണവ വിരുദ്ധ ഐക്യദാര്‍ഢ്യ സമിതിയുടെ നേതൃത്വത്തില്‍ നടക്കുന്ന പ്രതിഷേധമാര്‍ച്ച് ഞായറാഴ്ച്ച പാറശ്ശാലയില്‍ ആരംഭിക്കും.[]
ആണവ പദ്ധതിയുടെ ദുരന്തം അധികാരികളെ ബോധ്യപ്പെടുത്തുന്നതിനും കൂടംകുളത്ത് സമരം നടത്തുന്നവര്‍ക്ക് ഐക്യദാര്‍ഢ്യം പ്രഖ്യാപിച്ചും കൊണ്ടാണ് മാര്‍ച്ചെന്ന് സംഘാടകര്‍ അറിയിച്ചു.
കേരളത്തിലെ സാമൂഹ്യ പ്രവര്‍ത്തകര്‍, എഴുത്തുകാര്‍, സാംസ്‌കാരിക പ്രവര്‍ത്തകര്‍ എന്നിവര്‍ പ്രതിഷേധ മാര്‍ച്ചില്‍ പങ്കെടുക്കും.
കൂടുതല്‍ വിവരങ്ങള്‍ക്ക്: 854 7698 740.