കൊവിഡ് പരിശോധന നടത്തുന്നില്ല; ആശങ്കയില്‍ കൊല്‍ക്കത്ത ആശുപത്രിയിലെ മലയാളി ജീവനക്കാര്‍
ഡൂള്‍ന്യൂസ് ഡെസ്‌ക്
Wednesday, 15th April 2020, 3:15 pm
കൊല്‍ക്കത്ത: കൊല്‍ക്കത്തയില്‍ ചാര്‍നോക് ആശുപത്രിയില്‍ ജീവനക്കാര്‍ക്ക് കൊവിഡ് പരിശോധന നടത്തുന്നില്ലെന്ന് പരാതി. മലയാളികളടക്കം 300 പേരുള്ള ആശുപത്രിയില്‍ ടെസ്റ്റ് നടത്തിയത് 50 ല്‍ താഴെപ്പേര്‍ക്കാണെന്ന് ജീവനക്കാര്‍ പറഞ്ഞു.
ഇതേ ആശുപത്രിയില്‍ ഡോക്ടര്‍മാര്‍ ഉള്‍പ്പെടെ 13 പേര്‍ക്ക് കൊവിഡ് സ്ഥിരീകരിച്ചിരുന്നു. കിഡ്‌നി രോഗത്തിന് ചികിത്സ തേടി എത്തിയ രണ്ട് പേര്‍ ഇവിടെ കൊവിഡ് ബാധിച്ച് മരിച്ചിരുന്നു.
തുടര്‍ന്നാണ് ഡോക്ടര്‍മാര്‍ക്കുള്‍പ്പെടെ രോഗം സ്ഥിരീകരിച്ചത്. എന്നാല്‍ മുന്നൂറിലേറെപ്പേര്‍ ജോലി ചെയ്യുന്ന ആശുപത്രിയായിട്ടും ചിലയാളുകള്‍ക്ക് മാത്രമാണ് കൊവിഡ് ടെസ്റ്റ് നടത്തിയതെന്നാണ് ജീവനക്കാര്‍ പറയുന്നത്.
