കൊക്കെയ്ന്‍ കേസില്‍ കൂടുതല്‍ നേതാക്കള്‍ കുടുങ്ങുമെന്ന് ഉറപ്പായതോടെ ബി.ജെ.പിയില്‍ തമ്മില്‍ത്തല്ല്; ബി.ജെ.പി നേതാവ് കുടുക്കാന്‍ ശ്രമിക്കുന്നെന്ന് പമേല ഗോസ്വാമി
ഡൂള്‍ന്യൂസ് ഡെസ്‌ക്
Tuesday, 23rd February 2021, 9:10 am
കൊല്‍ക്കത്ത: നിരോധിത ലഹരി മരുന്നായ കൊക്കെയ്ന്‍ കടത്തിയ കേസില്‍ ബി.ജെ.പി യുവ നേതാവ് പമേല ഗോസ്വാമിയുടെ അറസ്റ്റിന് പിന്നാലെ അന്വേഷണം കൂടുതല്‍ നേതാക്കളിലേക്ക് നീങ്ങുന്നു. സംഭവത്തില്‍ ബി.ജെ.പി നേതാവായ രാകേഷ് സിംഗിന് കൊല്‍ക്കത്ത പൊലീസ് സമന്‍സ് അയച്ചു.
രാകേഷ് തന്നെ കേസില്‍ കുടുക്കാന്‍ ഗൂഢാലോചന നടത്തുണ്ടെന്ന് പമേല പറഞ്ഞതിന് പിന്നാലെയാണ് പൊലീസ് ഇയാളെ വിളിച്ചുവരുത്താന്‍ നടപടി ആരംഭിച്ചത്.
തനിക്ക് കേസില്‍ പങ്കുണ്ടെന്ന് പമേല ആരോപിക്കുന്നുണ്ടെങ്കില്‍ അന്വേഷണവുമായി പൂര്‍ണമായും സഹകരിക്കുമെന്ന് രാകേഷ് സിംഗ് അറിയിച്ചു.
