'കോകില-ഗോപി' വഴക്കിനിടയില്‍ കുറച്ച് ബീറ്റ്‌സ് കൂടി ചേര്‍ത്തപ്പോള്‍ കിട്ടിയത് കിടിലന്‍ റാപ് സോംഗ്; ട്വിറ്ററില്‍ ട്രെന്‍ഡിംഗായ വീഡിയോ കാണാം...
എന്റര്‍ടെയിന്‍മെന്റ് ഡെസ്‌ക്
Saturday, 22nd August 2020, 11:22 am
ട്രോളുകള്‍ക്കും മീമുകള്‍ക്കും യാതൊരു പഞ്ഞവുമില്ലാത്ത വിഭാഗമാണ് സീരിയലുകള്‍. നാടകീയതയുടെ പാരമ്യത്തിലെത്തിക്കുന്ന ഡയലോഗുകള്‍ ട്രോളന്‍മാരുടെ ഇഷ്ടവിഷയമാണ്.
ഇപ്പോള്‍ ട്വിറ്ററില്‍ വൈറലായിക്കൊണ്ടിരിക്കുന്ന ഒരു റാപ്പ് സോംഗ് ഉണ്ട്. എന്താ പ്രത്യേകതയെന്നല്ലേ? ഈ റാപ്പ് ഉണ്ടാക്കിയിരിക്കുന്നത് ഒരു ഹിന്ദി സീരിയയിലെ ഡയലോഗ് ഉപയോഗിച്ചുകൊണ്ടാണ്.
കേരളത്തില്‍ വരെ ആരാധകരുള്ള ഹിന്ദി സീരിയലുകളിലൊന്നാണ് ‘സാഥ് നിഭാന സാഥിയ’. അതിലെ പ്രധാന കഥാപാത്രമായ കോകില ബെനിന്റെ ഡയലോഗാണ് റാപ്പ് സോംഗ് രൂപത്തില്‍ പ്രത്യക്ഷപ്പെട്ടിരിക്കുന്നത്.
ഔറംഗബാദ് സ്വദേശിയായി യാഷ് രാജ് മുക്ഹാതെയാണ് ഈ റാപ് സോംഗിനു പിന്നില്‍. സീരീയലിലെ ഒരു രംഗത്തിന്റെ ഡയലോഗുകള്‍ക്കൊപ്പം ഹാര്‍മോണിയം ബീറ്റ്‌സും കൂടി ചേര്‍ത്ത് ഓട്ടോ ട്യൂണ്‍ ചെയ്തപ്പോള്‍ ലഭിച്ചത് കിടിലനൊരു റാപ് സോംഗാണ്.
