ഓസ്‌ട്രേലിയ കരുതിയിരുന്നോളൂ... കോഹ്‌ലിയ്ക്ക് ബാറ്റിംഗില്‍ മാത്രമല്ല, ബൗളിംഗിലുമുണ്ട് പിടി; സന്നാഹമത്സരത്തില്‍ വിക്കറ്റ് നേട്ടവുമായി ഇന്ത്യന്‍ ക്യാപ്റ്റന്‍

സിഡ്‌നി: സന്നാഹമത്സരത്തില്‍ ഇന്ത്യന്‍ ക്യാപ്റ്റന്‍ വിരാട് കോഹ്‌ലിയ്ക്ക് വിക്കറ്റ്. ക്രിക്കറ്റ് ഓസ്‌ട്രേലിയ ഇലവനുമായുള്ള മത്സരത്തിന്റെ നാലാം ദിവസമായിരുന്നു കോഹ്‌ലിയുടെ പ്രകടനം.

സെഞ്ച്വറി നേടി ക്രീസിലുറച്ച ഹാരി നീല്‍സണെയാണ് കോഹ്‌ലി പുറത്താക്കിയത്. സ്വതസിദ്ധമായ ചിരിയോടെ വിക്കറ്റ് നേട്ടം ആഘോഷിക്കുന്ന കോഹ്‌ലിയുടെ ചിത്രം ഇതിനോടകം സമൂഹമാധ്യമങ്ങളില്‍ വൈറലായിട്ടുണ്ട്.

ALSO READ: ലോകകപ്പ് ഹോക്കി;ഓസ്‌ട്രേലിയയ്ക്കു വിജയത്തുടക്കം

മൂന്നാം ദിനവും കോഹ്‌ലി ബൗളിംഗിനെത്തിയിരുന്നെങ്കിലും വിക്കറ്റൊന്നും കിട്ടിയിരുന്നില്ല.

നേരത്തെ വിന്‍ഡീസിനെതിരായ മത്സരത്തില്‍ കോഹ്‌ലി ജോണ്‍സണ്‍ ചാള്‍സിനെ പുറത്താക്കിയിരുന്നു. ഇത് തന്നെയായിരിക്കും റെക്കോഡ് ബുക്കില്‍ കോഹ്‌ലിയുടെ പേരിനൊപ്പമുണ്ടായിരിക്കുക.

സന്നാഹമത്സരത്തിലെ പ്രകടനം താരങ്ങളുടെ കരിയര്‍ റെക്കോഡായി രേഖപ്പെടുത്താറില്ല.

ALSO READ: ഹാട്രിക് ജയമില്ല; ഗോകുലത്തിന് സമനിലകുരുക്ക്

അതേസമയം സന്നാഹമത്സരത്തില്‍ സി.എ ഇലവന്‍ 186 റണ്‍സിന്റെ ലീഡ് സ്വന്തമാക്കി. 544 റണ്‍സിന് എല്ലാവരും പുറത്തായി. മുഹമ്മദ് ഷമി മൂന്ന് വിക്കറ്റ് നേടിയപ്പോള്‍ അശ്വിന്‍ രണ്ട് വിക്കറ്റ് നേടി.

WATCH THIS VIDEO: