ലണ്ടന്‍: കളിക്കളത്തില്‍ വൈകാരിക പ്രകടനം അല്‍പ്പം കൂടിയ താരമാണ് ഇന്ത്യന്‍ നായകന്‍ വിരാട് കോഹ്‌ലിയുടേത്. സ്ഥിരം നായകനായ ശേഷം തന്റെ വൈകാരിക പ്രകടനം ഒരുപരിധിവരെ ഒതുക്കിവെക്കാന്‍ താരം ശ്രമിച്ചിട്ടുണ്ട്. എന്നാല്‍ ഇന്ന് ചാമ്പ്യന്‍സ് ട്രോഫിയുടെ സെമി ഫൈനലില്‍ അയല്‍ക്കാരായ ബംഗ്ലാദേശിനെ നേരിട്ട ടീം നിര്‍ണ്ണായക വിക്കറ്റ് വീഴ്ത്തിയപ്പോള്‍ കോഹ്‌ലിയുടെ ആഹ്ലാദ പ്രകടനം ഏറെ ശ്രദ്ധ നേടി.
85 പന്തില്‍ നിന്ന് 61 റണ്‍സ് നേടിയ മുഷ്ഫിഖുര്‍ കേദാര്‍ ജാദവിന്റെ പന്തില്‍ കോഹ്‌ലിക്ക് ക്യാച്ച നല്‍കിയാണ് പുറത്തായത്. മുഷ്ഫിഖുര്‍ കളിച്ച പന്ത് നേരെ വന്നത് കോഹ്‌ലിയുടെ കയ്യിലേക്കായിരുന്നു. പന്ത് കൈപ്പിടിയിലൊതുക്കിയ നായകനാകട്ടെ നാക്കു പുറത്തേക്കിട്ട പ്രത്യേക രീതിയില്‍ മുന്നോട്ട് കുതിക്കുകയായിരുന്നു.
വീഡിയോ കാണാം:
മത്സരത്തില്‍ നിശ്ചിത 20 ഓവറില്‍ 7 വിക്കറ്റ് നഷ്ടത്തില്‍ 264 റണ്‍സാണ് നേടിയത്. മറുപടി ബാറ്റിങ്ങിനിറങ്ങിയ ഇന്ത്യ ഒടുവില്‍ വിവരം കിട്ടുമ്പോള്‍ 20 ഓവറില്‍ 1 വിക്കറ്റ് നഷ്ടത്തില്‍ 124 റണ്‍സ് നേടിയിട്ടുണ്ട്.