ആലപ്പുഴ ഇരട്ടക്കൊലപാതകം: വത്സന്‍ തില്ലങ്കേരിയ്ക്ക് പങ്കുണ്ടെന്ന ആരോപണം പൊലീസ് അന്വേഷിക്കണമെന്ന് കോടിയേരി
ഡൂള്‍ന്യൂസ് ഡെസ്‌ക്
Thursday, 23rd December 2021, 5:19 pm
തിരുവനന്തപുരം: കേരളത്തില്‍ വര്‍ഗീയ കലാപം സൃഷ്ടിക്കാനാണ് ആര്‍.എസ്.എസും എസ്.ഡി.പി.ഐയും ശ്രമിക്കുന്നതെന്ന് സി.പി.ഐ.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. എസ്.ഡി.പി.ഐയും ആര്‍.എസ്.എസും മത്സരിച്ച് ആക്രമണം നടത്തുകയാണെന്നും അദ്ദേഹം പറഞ്ഞു.
ഒറ്റപ്പെട്ട സംഭവങ്ങളല്ല നടക്കുന്നതെന്നും ഓരോ പ്രദേശത്തും സംഘര്‍ഷമുണ്ടാക്കാനാണ് ഇരു സംഘടനകളും ശ്രമിക്കുന്നതെന്നും അദ്ദേഹം പറഞ്ഞു.
‘ആലപ്പുഴയിലെ കൊലപാതകങ്ങളില്‍ പൊലീസിന് വീഴ്ചയില്ല. കൊലപാതകത്തില്‍ വത്സന്‍ തില്ലങ്കേരിക്ക് പങ്കുണ്ടെന്ന ആരോപണം പൊലീസ് പരിശോധിക്കണം,’ അദ്ദേഹം ആവശ്യപ്പെട്ടു.
സി.പി.ഐ.എമ്മില്‍ നുഴഞ്ഞുകയറാന്‍ എസ്.ഡി.പി.ഐക്ക് സാധിക്കില്ല. സമയമെടുത്താലും ആലപ്പുഴ കൊലപാതകങ്ങളിലെ മുഴുവന്‍ പ്രതികളേയും അറസ്റ്റ് ചെയ്യുമെന്നും അദ്ദേഹം പറഞ്ഞു.
