കനത്തമഴ; കൊച്ചി മെട്രോ സര്‍വ്വീസുകള്‍ നിര്‍ത്തിവെച്ചു
ഡൂള്‍ന്യൂസ് ഡെസ്‌ക്
Thursday, 16th August 2018, 8:54 am
കൊച്ചി: കനത്തമഴയെത്തുടര്‍ന്ന് കൊച്ചി മെട്രോ സര്‍വ്വീസ് താല്‍ക്കാലികമായി നിര്‍ത്തിവെച്ചതായി കെ.എം.ആര്‍.എല്‍ അറിയിച്ചു. ആലുവ മുട്ടം യാര്‍ഡില്‍ വെള്ളം കയറിയതോടെയാണ് മെട്രോസര്‍വ്വീസുകള്‍ നിര്‍ത്തിവെച്ചത്.
അതേസമയം ആലുവ, അങ്കമാലി, പാതയില്‍ വെള്ളം കയറി വാഹനഗതാഗതം തടസ്സപ്പെട്ടിരിക്കുകയാണ്. എറണാകുളത്ത് പലയിടത്തും വൈദ്യുതിയും തടസ്സപ്പെട്ട നിലയിലാണ്.
ALSO READ: പത്തനംതിട്ടയില്‍ രക്ഷാപ്രവര്‍ത്തനത്തിനായി ഡാമിന്റെ ഷട്ടറുകള്‍ താഴ്ത്തി; രക്ഷാപ്രവര്‍ത്തനം ശക്തമാക്കി
ആലുവ വഴിയുള്ള ട്രെയിന്‍ ഗതാഗതവും ഇപ്പോള്‍ നിര്‍ത്തിവെച്ചിരിക്കുകയാണ്. ആലുവ റെയില്‍വേ പാലത്തിന് സമീപം പെരിയാറിലെ ജലനിരപ്പ് ഉയര്‍ന്നിരിക്കുന്നതും ഗതാഗതത്തിന് ഭീഷണിയാണ്.
അതോടൊപ്പം ട്രെയിന്‍ഗതാഗതവും താല്‍ക്കാലികമായി നിര്‍ത്തിവെച്ചിരിക്കുകയാണ്. പല ട്രെയിനുകളും പാലക്കാട് വരെയാക്കി ചുരുക്കിയിട്ടുണ്ട്.