യുവതി കാറപകടത്തില്‍ മരിച്ച സംഭവത്തില്‍ ദുരൂഹത? അപകടത്തിന് തൊട്ടുമുന്‍പ് കാറില്‍ കയറിയ ആളെ കാണാനില്ല, മുന്‍പരിചയമില്ലെന്ന് ഡ്രൈവര്‍
ഡൂള്‍ന്യൂസ് ഡെസ്‌ക്
Tuesday, 30th November 2021, 1:14 pm
കൊച്ചി: കളമശ്ശേരിയില്‍ യുവതി കാറപകടത്തില്‍ മരിച്ച സംഭവത്തില്‍ ദുരൂഹത. യുവതിയ്‌ക്കൊപ്പമുണ്ടായിരുന്ന യുവാവിനെ കാണാനില്ലെന്നാണ് പൊലീസ് പറയുന്നത്.
അപകടത്തില്‍ എടത്തല സ്വദേശി സുഹാനയാണ് മരിച്ചത്. കാര്‍ ഓടിച്ചിരുന്ന സല്‍മാന്‍ പരിക്കുകളോടെ ആശുപത്രിയിലാണ്.
ഇവര്‍ക്കൊപ്പം മറ്റൊരാള്‍ കൂടി ഉണ്ടായിരുന്നെങ്കിലും ഇയാളെ കുറിച്ച് വിവരമൊന്നും ഇല്ല.
എറണാകുളത്തുനിന്ന് വരും വഴിയാണ് ഇയാള്‍ കാറില്‍ കയറിയതെന്നും സുഹാനയുടെ പരിചയക്കാരനാണെന്നാണ് പറഞ്ഞതെന്നുമാണ് സല്‍മാന്റെ മൊഴി.
